આમિર ખાનના પરિવારજનો મારા કપડાને ઇસ્લામ વિરુદ્ધ કહી મને મારતા હતા

જાણીતા બોક્સર આમિર ખાનની પત્નીએ પોતાના સાસરિયા પર સનસનીખેજ આરોપ લગાવ્યા છે. તેનું કહેવુ છે કે તેની સાથે અન્યાય કરવામાં આવ્યો છે...

By Manisha Zinzuwadia

Published: Thursday, December 15, 2016, 11:03 [IST]

પાકિસ્તાન મૂળના બ્રિટિશ બોક્સર આમિર ખાનની પત્ની ફરયાલ મખદૂમનું કહેવુ છે કે તેના સાસરિયાઓએ તેને ખૂબ હેરાન કરી છે અને તેના લગ્નને બરબાદ કરવાની કોશિશ કરી છે.

પાકિસ્તાની મૂળના બોક્સર આમિર ખાનના ઘરની લડાઇ હવે સાર્વજનિક થઇ ગઇ છે. તેની પત્ની ફરયાલે એક સ્નેપ ચેટમાં કહ્યુ કે આમિરના પરિવારજનો તેને બહુ હેરાન કર્યા કરે છે અને આ બધુ બહુ લાંબા સમયથી ચાલી રહ્યુ છે.

ફરયાલે કહ્યુ કે તેની સાસુ અને સસરાએ તેને એક 'ખરાબ મુસલમાન મહિલા' કહી અને તેના કપડાને ઇસ્લામ વિરુદ્ધના કહ્યા. ફરયાલે કહ્યુ કે તેને સતત માનસિક અને શારીરિક ત્રાસ આપવામાં આવતો. ફરયાલે થોડા દિવસો પહેલા પોતાના કપડા પર થયેલી કોમેંટનો જવાબ આમિરના ભાઇની એક નેક્ડ ફોટો સોશિયલ મીડિયા પર પોસ્ટ કરતી વખતે આપ્યો હતો.

આમિર બોલ્યા, પરિવારમાં વિવાદ દૂર્ભાગ્યપૂર્ણ

25 વર્ષની ફરયાલે પોતાના સાસરિયા પર લાગેલા આ આરોપો બાદ આમિરે પણ મૌન તોડ્યુ છે. આમિરે આ બધા વિવાદને દૂર્ભાગ્યપૂર્ણ કહ્યુ છે. આમિરે એક ઇંટરવ્યૂમાં કહ્યુ કે તેની પત્ની અને પરિવારના લોકોએ આ બાલિશ હરકતો છોડી દેવી જોઇએ. આ રીતે સોશિયલ મીડિયા પર ઘરની વાતો કરવાથી તેની છબીને નુકશાન પહોંચી રહ્યુ છે.

આમિરની સતત કોશિશો છતાં આમિરના માતા-પિતા અને ફરયાલ વચ્ચેની ખેંચતાણ બંધ થવાનું નામ નથી લેતી. તેઓ એકબીજા પર સતત આરોપ-પ્રત્યારોપ લગાવી રહ્યા છે.

Published On December 15, 2016