For Quick Alerts
ALLOW NOTIFICATIONS  
For Daily Alerts
Oneindia App Download

2015માં ભારત- પાકિસ્તાન વચ્ચે જામશે ‘જંગ’

|
Google Oneindia Gujarati News

કરાચી, 9 જુલાઇઃ પાકિસ્તાન ક્રિકેટ બોર્ડના ટોચના અધિકારીએ જણાવ્યું છેકે, 2015થી 2023 દરમિયાન અન્ય દેશો સાથે શ્રેણીઓ યોજવા અંગેની યોજનાને આંતરરાષ્ટ્રીય ક્રિકેટ કાઉન્સિલ(આઇસીસી)ના નવા ફ્યુચર ટૂર્સ પ્રોગ્રામ(FTP)માં અંતિમ ઓપ આપવામાં આવ્યું છે.

ચીફ ઓપરેટિંગ ઓફિસર સુભાન એહમદે જણાવ્યું છેકે, આ નવું એફટીપી પાકિસ્તાન ક્રિકેટ માટે ઘણું જ ફાયદાકારક છે, કારણ કે, અમે ભારતીય બોર્ડ સાથે આ યોજના હેઠળ શ્રેણી યોજવાને લઇને લેખિતમાં વચનબદ્ધ કરવામાં સફળ રહ્યાં છીએ. આ સમય અવધિ દરમિયાન તેઓ અમારી સાથે છ શ્રેણી રમશે.

india-pakistan-cricket
તેમણે કહ્યું કે ભૂતકાળમાં ભારતે સાથે શ્રેણી ગોઠવવાને લઇને અનેકવાર ચર્ચા કરવામાં આવી પરંતુ એકપણ યોજના ઓન પેપર થઇ શકી નહીં. આ વખતે બધુ ઓન પેપર કરવામાં આવ્યું છે અને ભારતીયોએ આ છ શ્રેણીને પોતાના એફટીપીમાં પણ મુકી છે અને એ પણ કાર્યક્રમ સાથે. જો સરકાર તરફથી કોઇ અવરોધ ઉભો કરવામાં નહીં આવે તો પહેલી શ્રેણી યુએઇમાં ડિસેમ્બર 2015માં રમાશે.

તેમણે કહ્યું કે નવા એફટીપી અનુસાર ભારતે પાકિસ્તાન સામેની મેચોને લઇને તારીખો જણાવી દીધી છે. તેમણે અમારી સાથે રમવાને લઇને કટિબદ્ધતા દર્શાવી છે અને અમે ચાર શ્રેણીનું આયોજન કરીશું, જે અમારી નાણાકિય સ્થિતિને વેગ આપશે.

નોંધનીય છેકે, ભારત પાકિસ્તાન સામે છેલ્લે 2007માં શ્રેણી રમ્યું હતું, કારણ કે 2008માં મુંબઇમાં થયેલા હુમલા બાદ ભારતે પાકિસ્તાન સાથે શ્રેણી રમવાનું બંધ કરી દીધું હતું. વરિષ્ઠ અધિકારીએ કહ્યું કે, પાકિસ્તાન અંદાજે 78 ટેસ્ટ મેચો નવા એફટીપી અનુસાર રમશે. આ યાદીમાં હજુ વનડે અને ટી-20 મેચોને ગણવામાં આવી નથી.

English summary
A top official of the Pakistan Cricket Board (PCB) today said that it had got a good deal in finalising its bilateral series with other countries in the new future tours program of the International Cricket Council (ICC) that will run from 2015 to 2023.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X