IND vs NZ : પહેલા દિવસ પુરો, શ્રેયસ-જાડેજા સામે કિવી બોલરો ફિક્કા પડ્યા!
ભારત અને ન્યુઝીલેન્ડ વચ્ચે બે મેચની ટેસ્ટ સીરીઝની પ્રથમ મેચ કાનપુરના ગ્રીનપાર્ક સ્ટેડિયમમાં રમાઈ રહી છે.
કાનપુર : ભારત અને ન્યુઝીલેન્ડ વચ્ચે બે મેચની ટેસ્ટ સીરીઝની પ્રથમ મેચ કાનપુરના ગ્રીનપાર્ક સ્ટેડિયમમાં રમાઈ રહી છે. પ્રથમ દિવસની રમતના અંતે ભારતે 4 વિકેટ ગુમાવીને 258 રન બનાવ્યા હતા. એક સમય એવો હતો કે જ્યારે ભારતીય બેટિંગ લાઇન અપ લડખડાતી દેખાતી હતી, પરંતુ શ્રેયસ અય્યર અને રવિન્દ્ર જાડેજાની સદીની ભાગીદારીએ ટીમને બચાવી લીધી હતી. આ બે બેટ્સમેનો સામે કિવી બોલરો ફિક્કા લાગતા હતા. અય્યર 75 રન અને જાડેજા 50 રન બનાવીને ક્રિઝ પર છે.
શ્રેયસ અય્યરે 68મી ઓવરમાં ટીમ સાઉથી સામે એક રન ફટકારીને તેની પ્રથમ ટેસ્ટ ફિફ્ટી પૂરી કરી. તેણે 94 બોલમાં પોતાની ફિફ્ટી પૂરી કરી. તે પછી પણ તે મોટા શોટ રમતો જોવા મળ્યો. જાડેજાએ તેની 17મી ટેસ્ટ ફિફ્ટી પણ 83મીં ઓવરમાં પૂરી કરી હતી.
પ્રથમ દિવસે ભારતના પ્રથમ દાવના 1 વિકેટે 82 રનના સ્કોર બાદ ન્યુઝીલેન્ડના બોલરોએ બીજા સેશનમાં ધમાકેદાર વાપસી કરી હતી. બીજા હાફની શરૂઆતમાં અડધી સદી ફટકારનાર બેટ્સમેન શુભમન ગિલને 30મી ઓવરમાં 52 રનના સ્કોર પર કાયલ જેમિસને આઉટ કર્યો હતો. ત્યારબાદ ચેતેશ્વર પૂજારાએ પણ 38મી ઓવરમાં વિકેટ ગુમાવી હતી. પૂજારા 26 રન બનાવીને આઉટ થયો હતો. જો કે તે પછી સુકાની અજિંક્ય રહાણે અને નવોદિત શ્રેયસ અય્યરે ભારતને બચાવવાનો પ્રયાસ કર્યો હતો. આ જોડી જમીન સ્થિર થઈ રહી હતી ત્યારે જેમિસને ભારતને ચોથો ઝટકો આપ્યો હતો. તેણે રહાણેને 35 રને આઉટ કર્યો હતો. જેમિસનની આ ઇનિંગની ત્રીજી વિકેટ હતી. રહાણેના આઉટ થયા બાદ રવિન્દ્ર જાડેજા છઠ્ઠા નંબર પર બેટિંગ કરવા આવ્યો હતો.
ભારતીય ટીમે ટોસ જીતીને પ્રથમ બેટિંગ કરવાનો નિર્ણય કર્યો હતો. શુભમન ગિલ અને મયંક અગ્રવાલે ભારતની પ્રથમ ઇનિંગ્સની શરૂઆત કરી હતી. બંનેએ રમતની શરૂઆત ખૂબ જ સાવધાનીપૂર્વક કરી હતી. જો કે, ન્યૂઝીલેન્ડે ધ્યાન રાખ્યું કે આ જોડી લાંબો સમય ટકી ન શકે અને અગ્રવાલ આઠમી ઓવરમાં આઉટ થયો. કાયલ જેમિસનનો એક બોલ તેના બેટના કિનારે અથડાઈ વિકેટકીપર ટોમ બંડલના હાથમાં ગયો. અગ્રવાલે 28 બોલમાં 13 રન બનાવ્યા હતા. તેના આઉટ થયા બાદ ચેતેશ્વર પુજારા બેટિંગ કરવા આવ્યો હતો. તેણે શુભમન ગિલના સારા સાથ સાથે ન્યૂઝીલેન્ડને પ્રથમ દિવસના અંત સુધી વધુ સફળતા મેળવવા દીધી ન હતી. ગિલે વિલિયમ સોમરવિલે સામે 27મી ઓવરમાં રન લઈને તેની ચોથી ટેસ્ટ અડધી સદી પૂરી કરી. તેણે આ અડધી સદી 81 બોલમાં 5 ચોગ્ગા અને 1 છગ્ગાની મદદથી પૂરી કરી હતી.
બંને
ટીમની
પ્લેઈંગ
ઈલેવન
-
ભારત
:
શુભમન
ગિલ,
મયંક
અગ્રવાલ,
ચેતેશ્વર
પૂજારા,
અજિંક્ય
રહાણે
(કેપ્ટન),
શ્રેયસ
ઐયર,
રિદ્ધિમાન
સાહા
(વિકેટમેન),
રવિન્દ્ર
જાડેજા,
અક્ષર
પટેલ,
રવિચંદ્રન
અશ્વિન,
ઈશાંત
શર્મા,
ઉમેશ
યાદવ.
ન્યુઝીલેન્ડ - ટોમ લાથમ, વિલ યંગ, કેન વિલિયમસન (C), રોસ ટેલર, હેનરી નિકોલ્સ, ટોમ બ્લંડેલ (WK), રચિન રવિન્દ્ર, ટિમ સાઉથી, એજાઝ પટેલ, કાયલ જેમીસન, વિલિયમ સોમરવિલે
ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો