ટીમ ઇન્ડિયાને ઝટકો, મોહમ્મદ શમીને ગંભીર ઇજા
મેલબર્ન, 26 ફેબ્રુઆરી: જે રીતે ટીમ ઇન્ડિયાએ વિશ્વકપમાં બે મેચોમાં શાનદાર જીત મેળવી છે તેનાથી ભારતીયોની આશાઓમાં ઘણો વધારો થયો છે. પરંતુ હવે આશાઓ પર પાણી ફરી શકે છે, કારણ કે ટીમ ઇન્ડિયાના સ્ટાર બોલર શમી ઇજાગ્રસ્ત થઇ ગયા છે. મીડિયામાં સમાચાર આવ્યા છે કે શમીને ગંભીર ઇજા પહોંચી છે માટે તેઓ મોડી રાત્રે તેમનો એક્સ રે કરાવવામાં આવ્યો, જેના કારણે તેમને હોસ્પિટલમાં બે કલાક માટે રહેવું પડ્યું.
નોંધનીય છે કે પોતાની બંને મેચોમાં શમીએ શાનદાર બોલીંગ કરી છે. જો ખરેખર શમીની ઇજા ગંભીર હશે તો આગળની મેચોમાં નહીં રમી શકે જેનું નુકસાન ટીમ ઇન્ડિયાએ ભોગવવું પડશે. આ પહેલા ઇશાંત શર્મા પણ ઇજાના કારણે વિશ્વકપથી બહાર થઇ ગયા છે એવામાં શમીનું ઘાયલ થવું ધોની અને ટીમ ઇન્ડિયાની ચિંતામાં વધારો કરી શકે છે. અત્રે નોંધનીય છે કે ટીમ ઇન્ડિયાને પોતાની હવે પછીની મેચ યુએઇની સામે 28 ફેબ્રુઆરીના રોજ રમવાની છે.
ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો