IPL 2020 Auctionમાં બે ભારતીય ટૉપ ડ્રૉમાં છે શામેલ, ટીમોમાં થઈ શકે ટક્કર

આઈપીએલ 2020ની હરાજીમાં માત્ર 2 દિવસ બચ્યા છે. એ પહેલા ઈન્ડિયન પ્રીમિયર લીગે છ ટૉપ ડ્રૉ ખેલાડીઓના નામ ટ્વિટ કર્યા છે જે હરાજી દરમિયાન ટીમોમાં હોડ શરૂ કરી શકે છે. આ દરમિયાન આઠ ફ્રેન્ચાઈઝી ટીમો મુંબઈ ઈન્ડિયન્સ, ચેન્નઈ સુપર કિંગ્ઝ, રાજસ્થાન રૉયલ્સ, કોલકત્તા નાઈટ રાઈડર્સ, રૉયલ ચેલેન્જર્સ બેંગલોર, સનરાઈઝર્સ હૈદરાબાદ, કિંગ્ઝ ઈલેવન પંજાબ અ દિલ્લી કેપિટલ્સ ટીમમાં ખાલી પડેલી જગ્યા ભરવા ઈચ્છશે. આઈપીએલ 2020 હરાજી 19 ડિસેમ્બરે કોલકત્તામાં હશે. આઈપીએલે ચાર વિદેશી ક્રિસ લિન, ડેલ સ્ટેન, સૈમ કર્રન, કેસરિક વિલિયમ્સ અને બે ભારતીય ક્રિકેટર્સ યૂસુફ પઠાણ તે પીયુષ ચાવલાને હરાજી માટે ટૉપ ડ્રોમાં રાખ્યા છે.

લિન, સ્ટેનની બેઝ પ્રાઈઝ 2 કરોડ રૂપિયા

આ બધાને આ હરાજી પહેલા તેમની ટીમોએ રિલીઝ કરી દીધા હતા. ક્રિસ લિન છેલ્લી ઘણી સિઝનથી કોલકત્તા નાઈટ રાઈડર્સના મુખ્ય સ્તંભ હતા પરંતુ આ વર્ષે તેમને રિલીઝ કરી દેવામાં આવ્યા. તેમણે પોતાની બેઝ પ્રાઈઝ 2 કરોડ રૂપિયા રાખવામાં આવી છે. દક્ષિણ આફ્રિકાના ઝડપી બોલર ડેલ સ્ટેનને ગયા વર્ષે રૉયલ ચેલેન્જર્સ બેંગલોરે ખરીદ્યુ હતુ પરંતુ તે ઈજાના કારણે વધુ રમી શક્યા નહોતા. અત્યારે આરસીબીએ તેમને ટીમમાંથી બહાર કરી દીધા. તેમની બેઝ પ્રાઈઝ પણ 2 કરોડ છે.

કેસરિક વિલિયમ્સ હશે રસપ્રદ દાવેદાર

ઈંગ્લેન્ડના યુવા અને પ્રતિભાશાળી ઑલરાઉન્ડર સેમ કર્રન ગઈ હરાજીમાં સૌથી મોંઘા વિદેશી ખેલાડીઓમાંથી એક હતા. તેમનુ પ્રદર્શન પણ ઠીક રહ્યુ હતુ પરંતુ તેમ છતાં કિંગ્ઝ ઈલેવન પંજાબે તેમને રિલીઝ કરી દીધા. તેમની બઝ પ્રાઈઝ 1 કરોડ રૂપિયા છે. માનવામાં આવી રહ્યુ છે કે તેમના માટે ઘણો મુકાબલો થઈ શકે છે. વેસ્ટ ઈન્ડિઝના મીડિયમ પેસર કેસરિક વિલિયમ્સ હજુ ભારત સામે ટી20 સીરિઝમાં ઘણા સમાચારોમાં રહ્યા હતા. ભારતીય ટીમના કેપ્ટન વિરાટ કોહલી સાથ તેમની પ્રતિસ્પર્ધા જબરદસ્ત રહી હતી. તેમની બેઝ પ્રાઈઝ 50 લાખ રૂપિયા છે.

પઠાન-ચાવલાનુ નામ પણ ટૉપ ડ્રૉમાં

ભારતીય ખેલાડીઓમાં યુસુફ પઠાણ અને પીયુષ ચાવલા ટૉપ ડ્રૉનો હિસ્સો છે. પઠાણને સનરાઈઝર્સ હૈદરાબાદ અને ચાવલાને કોલકત્તાએ રિલીઝ કર્યા છે. આ બંનેની બેઝ પ્રાઈઝ 1 કરોડ રૂપિયા છે. ચાવલા ઘણી સિઝન કેકેઆરનો હિસ્સો હતો. વળી, પઠાણ કેકેઆરથી સનરાઈઝર્સમાં આવ્યા હતા. આઈપીએલ 2020માંહરાજીમાં કુલ 332 ખેલાડીઓ ભાગ લઈ રહ્યા છે. આના માટે કુલ 997 પ્લેયર્સના નામ મોકલ્યા હતા પરંતુ ટીમો સાથે વાત કર્યા બાદ332 ખેલાડીઓની પાઈનલ યાદી બનાવવામાંઆવી. ટીમો પાસે 73 જગ્યાઓ ખાલી છે અને આમાંથી 29 વિદેશી હોઈ શકે છે.