MI vs RCB: બેંગ્લોર સામે કયો ખેલાડી બનશે ગેમચેંજર, જાહીર ખાને કર્યો ખુલાસો
MI vs RCB: બેંગ્લોર સામે કયો ખેલાડી બનશે ગેમચેંજર, જાહીર ખાને કર્યો ખુલાસો
ઈન્ડિયન પ્રીમિયર લીગની 14મી સિઝનનો આજે આગાઝ થવા જઈ રહ્યો છે. ઓપનિંગ મુકાબલો 5 વખત ચેમ્પિયન રહેલી મુંબઈ ઈન્ડિયન્સ અને રોયલ ચેલેન્જર્સ બેંગ્લોર વચ્ચે રમાશે. બંને ટીમ આ મેચમાં સંપૂર્ણ તૈયારી સાથે ઉતરશે, જ્યાં આરસીબીની ટીમ પોતાની કમિઓ દૂર કરીને ઉતરશે જ્યારે મુંબઈ ઈન્ડિયન્સની ટીમ પાછલા 7 સિઝનથી પોતાનો પહેલો મેચ શર્મનાક રીતે હારવાના રેકોર્ડને બદલવા માંગશે. પૂર્વ ભારતીય ફાસ્ટ બોલર જહીર ખાને એવા ખેલાડીનું નામ જણાવ્યું જે આરસીબી સામે મુંબઈ માટે ગેમચેંજર સાબિત થશે.
જહીરે આ વર્ષે પોતાની ટીમ સાથે જોડાયેલા સ્પિન બોલર પીયૂષ ચાવલાનું નામ લેતા જણાવ્યું કે તે આ વર્ષે ટીમ માટે ગેમચેંજરની ભૂમિકા અદા કરશે. ઉલ્લેખનીય છે કે મુંબઈની ટીમ દર વખતેની જેમ ફરી એકવાર બહુ મજબૂત ટીમ સાથે ઉતરી છે, જો કે છતાં પણ તેનો સ્પીન વિભાગ બહુ કમજોર રહ્યો છે, ખાસ કરીને ત્યારે જ્યારે તેણે લીગની પહેલી 7 મેચ ચેન્નઈની સ્પિન પિચ પર રમવાની છે.
જહીર ખાનનું માનવું છે કે પીયૂષ ચાવલા પાસે જે સ્કિલ્સ છે તેનાથી ટીમને દબાણ ભરેલા હાલાતમાં ઘણો ફાયદો મળશે. તેનો અનુભવ ટીમના યુવા સ્પિનર્સને રાહ જોવામાં મદદગાર સાબિત થશે.
તેમણે કહ્યું કે, અમારી ટીમ પાસે યુવા સ્પિનરના રૂપમાં રાહુલ ચાહર છે જેમની પાસે ઘણી પ્રતિભા છે અને પીયૂષ ચાવલાના જોડાયા બાદ તેનો અનુભવ આ ખેલાડીને ઘણો સફળ બનાવી શકે છે.
જ્યારે ટીમના કેપ્ટન રોહિત શર્માએ પણ પીયૂષ ચાવલાના વખાણ કરતાં એક વીડિયો ટ્વીટ કર્યો જેમાં તે અંડર 19ના દિવસોમાં ચાવલા સાથે વિતાવેલા પોતાના દિવસોને યાદ કરતા જોવા મળી રહ્યા છે. વીડિયોમાં તેમણે કહ્યું કે, 'અંડર 19ના દિવસોમાં હું પીયૂષ ચાવલા સાથે રમ્યો હતો અને મને ખબર છે કે તે બહુ આક્રમક સ્પિન બોલર છે. અમે તેને અમારા સ્પિન અટેકમાં સામેલ કરવા માંગતા હતા, તે આઈપીએલમાં સૌથી વધુ વિકેટ હાંસલ કરનાર બોલરમાંથી એક છે અને તેને ટીમમાં સામેલ કરવો ઘણું સારું રહ્યું. તે હરેક ફોર્મેટના ખેલાડીઓને જાણે છે.'
આ પણ વાંચોઃ
- MI vs RCB: શું શરૂઆતી મેચમાં મુંબઈ હારશે? આવી છે બંને ટીમની સંભાવિત પ્લેઈંગ ઈલેવન
- MI vs RCB: આમને-સામને થશે કોહલી અને શર્મા, આ રહી ડ્રીમ ઈલેવન ટીમ
- IPL 2021: RCB સાથે મુંબઈની ટક્કર, જાણો શું છે તાકાત, કમજોરી, સંભાવિત પ્લેઈંગ Xi
ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો