IPL 2019: શુબમન ગિલના પિતા માટે શાહરૂખ ખાને કર્યુ મઝાનું ટ્વીટ

શુબમનના દાવથી તેનો પરિવાર તો ખુશીથી ઝુમ્યો અને ટીમના માલિક શાહરુખ ખાન પણ ખુશ થયા અને તેમણે તેના પિતા લખવિંદર ગિલ માટે એક મઝાનું ટ્વિટ કર્યુ.

Updated: Saturday, May 4, 2019, 15:48 [IST]

IPLનો ખિતાબ 2 વાર જીતી ચૂકેલ કોલકત્તા નાઈટ રાઈડર્સ માટે આ વખતની સિઝનમાં પણ રોમાંચક થતો જઈ રહ્યો છે. ટીમે શુક્રવારે મહત્વના મુકાબલામાં કિંગ્ઝ ઈલેવન પંજાબને હરાવીને 13 મેચોમાં 12 પોઈન્ટ મેળવી લીધા છે. તેને પ્લેઓફમાં પહોંચાડવા માટે છેલ્લી મેચમાં મોટી જીત મેળવવી પડશે. મેચમાં હીરો સાબિત થયેલા બેટ્સમેન શુબમન ગિલ જેણે અંત સુધી બેટિંગ કરીને ટીમને જીત અપાવી. શુબમનના દાવથી તેનો પરિવાર તો ખુશીથી ઝુમ્યો અને ટીમના માલિક શાહરુખ ખાન પણ ખુશ થયા અને તેમણે તેના પિતા લખવિંદર ગિલ માટે એક મઝાનું ટ્વિટ કર્યુ.

શુબમને 49 બોલમાં અણનમ 65 રન કર્યા જેમાં 5 ચોગ્ગા અને 2 છક્કા શામેલ છે. આ તેની આ સિઝનની અડધી સદી છે. શુબમને જેવી અડધી સદી પૂરી કરી તો તેના પપ્પા ડક આઉટની તરફ અચાનક ભાંગડા કરતા જોવા મળ્યા. વળી તેની મા તાળીઓ વગાડવા લાગી. જીત બાદ શાહરૂખ પણ તેના પપ્પાના ડાંસથી ઈમ્પ્રેસ થયા. તેમણે ટ્વીટ કરે બધા ખેલાડીઓને આના અભિનંદન આપ્યા અને સાથે લખ્યુ, 'આજની રાત પપ્પાની છે. પપ્પા અને પરિવાર માટે 3 ચીયર્સ.'

Well done @KKRiders & @DineshKarthik . All played like u should…by backing urselves. @lynny50 #SWarrier @RealShubmanGill good job. But tonite belongs to Papa! 3 cheers for proud papa & family. pic.twitter.com/KDlvVWmnYT
— Shah Rukh Khan (@iamsrk) 3 May 2019

તમને જણાવી દઈએ કે પંજાબની ટીમે મેચ પહેલા બેટિંગ કરીને 6 વિકેટ ગુમાવીને 183 રન બનાવ્યા. સેમ કુરેને અણનમ 55 અને નિકોલસે પૂરને 48 રનનો દાવ રમ્યો. જવાબમાં કોલકત્તાને ક્રિસ લિન અને શુબમન રૂપે સારી શરૂઆત મળી. બંને વચ્ચે પહેલી વિકેટ માટે 62 રનની ભાગીદારી થઈ. ક્રિસ લિને 22 બોલમાં 46 રન બનાવીને આઉટ થઈ ગયા પરંતુ શુબમન ટકી રહ્યા. ત્યારબાદ રોબિન ઉથપ્પા 22 રન અને આંદ્રે રસેલ 24 રન બનાવીને આઉટ થયા પરંતુ શુબનમ ગિલ ન થમ્યા. કોલકત્તાની 13 મેચોના 12 પોઈન્ટ છે. જો તે પોતાની છેલ્લી મેચ જીતી જાય તો પ્લેઓફમાં પહોંચી શકે છે.