ફિલિપ હ્યૂજની જેમ આ ક્રિકેટર્સ પણ રમત દરમિયાન મોતને ભેટ્યા
ઓસ્ટ્રેલિયન બેટ્સમેન ફિલિપ હ્યૂજને મેચ દરમિયાન માથાના ભાગે ગંભીર ઇજા થયા બાદ તે કોમામાં જતો રહ્યો હતો, જેનું આજે સારવાર દરમિયાન હોસ્પિટલમાં નિધન થયું છે. હ્યૂજને શેફીલ્ડ શીલ્ડ મેચ દરમિયાન બેટિંગ કરતી વખતે એક બાઉન્સર બોલ માથાના ભાગે વાગ્યો હતો. ત્યારબાદ તેને તત્કાળ હોસ્પિટલમાં દાખલ કરવામાં આવ્યો હતો. જ્યાં આજે તેનું નિધન થયું હતું.
ફિલિપ હ્યૂજ પહેલા પણ વિશ્વ ક્રિકેટમાં આ પ્રકારની ઘટના ઘટી ગઇ છે, જેમાં કેટલાક પ્રતિભાશાળી ખેલાડીઓનું નિધન થયું હતું. આજે અમે અહીં એવા જ પાંચ ખેલાડીઓ અંગે જણાવી રહ્યાં છીએ, જેઓને ક્રિકેટ પીચ પર ઇજા થયા બાદ તેમનું મોત નીપજ્યું હતું. તો ચાલો તસવીરો થકી તેમના પર નજર ફેરવીએ.

વસીમ રાજા
વસીમ રાજાએ પાકિસ્તાન તરફથી 57 ટેસ્ટ અને 54 વનડે મેચો રમી હતી. 23 ઑગસ્ટ 2006ના રોજ 54 વર્ષની વયે તેઓ સરી ઓવર ફીફ્ટીઝ તરફથી રમી રહ્યાં હતા, ત્યારે બોલિંગ કર્યા બાદ તેઓ બાઉન્ડ્રી પાસે ફિલ્ડિંગ ભરી રહ્યાં હતા, જ્યાં તેમને ચક્કર આવતા તેઓ ત્યાં જ ઢળી પડ્યાં હતા અને બાદમાં તેમનું નિધન થયું હતું.

રમણ લાંબા
20 ફેબ્રુઆરી 1998ના રોજ ઢાકા સ્ટેડિયમમાં ઢાકા પ્રીમીયર લીગમાં અબહાની ક્રીડા ચક્ર ટીમ તરફથી રમી રહેલા રમણ લાંબા શોર્ટ લેગમાં હેલ્મેટ પહેર્યા વગર ફિલ્ડિંગ ભરી રહ્યાં હતા, ત્યારે તેમને માથાના ભાગે બોલ વાગ્યો હતો, આ બોલનો પ્રહાર એટલો જોરદાર હતો કે બોલ તેમના માથે વાગીને ફરીથી વિકેટકીપરના હાથમાં જતો રહ્યો હતો. બોલ વાગવાના કારણે રમણ લાંબાને હેમરેજ થઇ ગયું હતું અને સારવારના ત્રણ દિવસ બાદ તેમનું મોત નીપજ્યું હતું.

વિલ્ફ્રેડ સ્લેક
તેઓ મિડલસેક્સ ટીમના ખેલાડી હતા અને તેમણે 237 પ્રથમ કક્ષાની મેચોમાં 13950 રન બનાવ્યા હતા. એક મેચમાં બેટિંગ કરતી વખતે તેઓ અચાનક બેભાન થઇ ગયા હતા અને બાદમાં તેમનું મોત નીપજ્યું હતું. આ પ્રતિભાશાળી ખેલાડીની યાદમાં ફિન્ચલીના બાર્નેટ કાઉન્સીલ ગ્રાઉન્ડને વિલ્ફ સ્લેક નામ આપવામાં આવ્યું હતું.

સૈયદ ફકીર અલી
19 એપ્રિલ 2008ના રોજ કેલિફોર્નિયાના ટ્રેસી યુનાઇટેડ ક્રિકેટ કલબ તરફથી લીગ મેચ રમતી વખતે 34 વર્ષીય ભારતીય ખેલાડી સૈયદ ફકીલ અલીને હાર્ટ એટેક આવ્યો હતો, તેમને સારવાર અર્થે ફ્રેમોન્ટ વોશિંગ્ટન હોસ્પિટલમાં લઇ જવામાં આવ્યા હતા, જ્યાં તેમને મૃત જાહેર કરવામાં આવ્યા હતા.

ઇયાન ફોલી
લેન્શાયર અને ડર્બીશાયર તરફથી રમતા 30 વર્ષીય ક્રિકેટર ઇયાન ફોલીને 30 ઑગસ્ટ 1993ના રોજ કુમ્બ્રીઅન વ્હાઇટહેવન તરફથી રમતી વખતે આંખ નીચે બોલ વાગ્યો હતો, તેમને તુરંત સારવાર અર્થે હોસ્પિટલમાં લઇ જવામાં આવ્યા હતા, જોકે સારવાર દરમિયાન હાર્ટ એટેક આવતા તેમનું મોત નીપજ્યું હતું.
-
T20 World Cup : વર્લ્ડ કપ જીત્યા બાદ ઈશાન કિશને ગર્લફ્રેન્ડ સાથે ઉજવણી કરી, જુઓ ફોટો -
T20 world cup : સુર્યકુમાર યાદવ નિવૃતિ લેશે? જાણો ખુદ શું કહ્યું? -
IND vs NZ: કોહલી સાથે ખાસ ક્લબમાં સંજુ સેમસન સામેલ, ટીમ ઈન્ડિયાએ બનાવ્યો ઐતિહાસિક વર્લ્ડ રેકોર્ડ -
ઈરાન-અમેરિકા યુદ્ધમાં ભારત કયા પક્ષમાં? સંસદમાં શું કહ્યું સરકારે? -
પરસેવો પાડવા તૈયાર થઈ જાવ, હવામાન વિભાગની હિટવેવની આગાહી -
કચ્છના રણ વચ્ચેથી નીકળશે નવો હાઈવે, કેન્દ્ર સરકારની જાહેરાત -
ગુજરાતના 17 જિલ્લાઓમાં ગરમી પરસેવો પડાવશે, હવામાન વિભાગની મોટી આગાહી -
LPG અછતને લઈને ભારત સરકાર એક્શનમાં, જાણો શું કહ્યું? -
કિસાન સન્માન નિધિનો 22મોં હપ્તો ક્યારે આવશે? આવી ગઈ તારીખ -
ગુજરાતની 71 નગરપાલિકાઓમાં સરકારે વહીવટદારની નિમણૂક કરી -
ગરમીને લઈને હવામાન વિભાગની નવી આગાહી, આ જિલ્લાઓમાં ઓરેન્જ એલર્ટ -
અમદાવાદમાં આકાર લેશે ભવ્ય 'સ્પોર્ટ્સ એન્ક્લેવ', ઓલિમ્પિક સ્તરની સુવિધાઓ માટે સરકારે ખોલી તિજોરી




Click it and Unblock the Notifications
