CWG 2014: ત્રીજા દિવસે ભારતને મળ્યા 7 મેડલ

| Updated: Sunday, July 27, 2014, 11:58 [IST]

ગ્લાસગો, 27 જુલાઇ: કોમનવેલ્થ ગેમ્સના ત્રીજા દિવસે શૂટર્સના શાનદાર પ્રદર્શનની સાથે સાથે જૂડો અને વેટલિફ્ટિંગમાં એક-એક બ્રોન્ઝના પગલે ભારતે ત્રીજા દિવસે કુલ મળીને 7 મેડલ પોતાના નામે કર્યા છે.

ભારતની મહિલા શૂટર્સે શનિવારે સ્વર્ણિમ પ્રદર્શન કર્યું. 10 મીટર એર રાઇફલ ઇવેંટમાં અપૂર્વી ચંદેલાના ગોલ્ડ અને અયોનિકા પૉલના સિલ્વર પર નિશાનો લગાવ્યા બાદ રાહી સરનોબત અને અનીસા સૈયદે પણ આ પ્રદર્શન વાગોળતા ભારતીયોમાં ખુશીની લહેર દોડી ગઇ.

રાહી સરનોબતે મોડી રાત્રે 25 મીટર એર પિસ્ટલ ઇંવેન્ટમાં ગોલ્ડ મેડલ જીત્યુ, જ્યારે અનીસા સૈયદે સિલ્વર મેડલ પર નિશાનો લગાવ્યો. બેંગલુરુના પ્રકાશ નનજાપ્પાએ 10 મીટર એર પિસ્ટલમાં સિલ્વર મેડલ જીત્યું. આ પ્રકારે શનિવારે ભારતને શૂટિંગમાં 2 ગોલ્ડ, 3 સિલ્વર સહિત 5 મેડલ મળ્યા, જેમાં 4 મહિલાઓએ અપાવ્યા.

જ્યારે રાજવિંદર કૌરે મહિલાઓની 78 કિગ્રાથી વધારે વજન વર્ગની જૂડો સ્પર્ધામાં બ્રોન્ઝ મેડલ પોતાના નામે કર્યું. તેમણે બ્રોન્ઝ મેડલના મુકાબલે કેન્યાની ઇસ્થર અકિનઇ રાતુગીને પેનલ્ટી પોઇંટથી હરાવી હતી. આ પહેલા રાજવિંદર ક્વાર્ટરફાઇનલમાં ઇંગ્લેન્ડની જે માયર્સથી હારી ગઇ હતી. પરંતુ કેનેડાની સોફી વૈલાનકોર્ટની વિરુદ્ધ રેપેશૉ મેચે તેમને બ્રોન્ઝ મેડલની તક આપી.

ભારતના વેટવિફ્ટર ઓમકાર ઓટારીએ 69 કિગ્રા ભારવર્ગમાં બ્રોન્ઝ મેડલ જીતીને ભારતને દિવસનું સાતમું અને કુલ 17મું મેડલ અપાવ્યું. ગ્લાસગો કોમનવેલ્થ ગેમ્સમાં વેટલિફ્ટિંગમાં આ ભારતનું છઠ્ઠુ મેડલ હતું.

કોમનવેલ્થ ગેમ્સનો ત્રીજો દિવસ જુઓ તસવીરોમાં...