FIFA વર્લ્ડ કપ 2014: લાઇવ સ્ટ્રીમિંગ આપતી ટોપ 5 એપ્પ્સ

ભારતમાં ભલે ક્રિકેટના દીવાના વધારે છે, પરંતુ દુનિયામાં સૌથી લોકપ્રિય રમત તો ફૂટબોલ જ છે. આ કારણે વર્તમાન સમયમાં દુનિયાભરમાં ફુટબોલ ફીવર છવાયેલો છે. જેની ખાસ્સી અસર ભારતમાં પણ જોવા મળી રહી છે. ભારતમાં FIFA વર્લ્ડ કપ 2014નો ખુમાર જોર શોરથી છવાયેલો છે.

આપને ભારતના કેટલાક રાજ્યોમાં એવા ફૂટબોલ પ્રેમી મળી જશે જેમણે પોતાનું સમગ્ર જીવન ફૂટબોલને સમર્પિત કરી દીધું છે. આપ જાણો છો તેમ FIFA વર્લ્ડ કપ 2014ની શરૂઆત ધમાકેદાર રહી અને અપેક્ષા મુજબ બ્રાઝિલે ક્રોએશિયાને 3-1થી હરાવી દીધું છે.

આપમાંથી કેટલાક ફૂટબોલ પ્રેમી એવા હશે જો ઓફિસ કે ટ્રાવેલિંગના કારણે મેચ જોઇ શક્યા નહીં હોય. પણ જો આપની પાસે સ્માર્ટ ફોન કે ટેબલેટ હશે તો આપ FIFA વર્લ્ડ કપ 2014ની આવનારી મેચોનું લાઇ અપડેટ ઓન ધ ગો જોઇ શકશો અને તેને શેર પણ કરી શકશો. આ માટે આપે પોતાના ડિવાઇસમાં કેટલીક એપ્લિકેશન્સ ડાઉનલોડ કરવી પડશે. અહીં અમે આપને FIFA વર્લ્ડ કપ 2014ને લગતી એવી ટોપ 5 એપ્લિકેશન આપી રહ્યા છીએ જે આપ એન્ડ્રોઇડ, વિન્ડો ઓપરેટિંગ સિસ્ટમમાં ડાઉનલોડ કરી શકશો.

365 સ્કોર્સ

જો આપ ફૂટબોલ સંબંધિત કોઇ પણ સમાચાર આપના મોબાઇલમાં જોવા ઇચ્છો છો તો એપ્લિકેશન 365 સ્કોર્સ ડાઉનલોડ કરી શકશો. તેમાં ફૂટબોલ સંબંધિત સમાચાર વાંચીને શેર પણ કરી શકાય છે.

બ્રાઝિલ 2014 કાઉન્ટડાઉન

જો આપ હિન્દી ઉપરાંત અન્ય વિદેશી ભાષા જાણો છો તો બ્રાઝિલ 2014 કાઉન્ટડાઉન એપ્લિકેશન ડાઉનલોડ કરીને ટીમ, તેના ખેલાડીઓ અને અન્ય માહિતી મેળની શકો છો. ફેસબુક પર તેના સ્ક્રીન શોટ પણ શેર કરી શકાશે.

ફિફા ઓફિશિયલ એપ

આ ફિફા ઓફિશિયલ એપ્લિકેશન છે. જેમાં પાંચ ભાષાઓ આપવામાં આવી છે. તેને ગૂગલ પ્લે ઉપરાંત ફિફાની સાઇટ પરથી પણ ડાઉનલોડ કરી શકાશે. આ એપ્લિકેશનમાં વીડિયો ઉપરાંત વિવિધ ટીમના પ્લેયર્સના ફોટો પણ આપ્યા છે. જેને ડાઉનલોડ કરી શકાય છે.

જલવેસો વર્લ્ડકપ બ્રાઝિલ 2014

આ એપ્લિકેશનમાં કાઉન્ટડાઉનની સાથે આગળ થનારા તમામ ફૂટબોલ મેચીસની માહિતી આપવામાં આવી છે. સાથે જ આ એપ્લિકેશનની મદદધી આપ રિયલ ટાઇમ અપડેટ, ફુટબોલના વિડીયો જોઇ શકશો.

વન ફુટબોલ બ્રાઝિલ

આ એપ્લિકેશનની સાથે લાઇવ મેચ અને સ્કોરની મજા માણી શકાય છે. આ એપ્લિકેશનના અન્ય યુઝર્સ સાથે તેમે ચેટ પણ કરી શકો છો. મેચના ડેટા પણ શેર કરી શકો છો.

English summary

FIFA World Cup 2014; Live streaming free apps for Android