ક્યારેય વિચાર્યુ નહોતું કે ટીમ ઇન્ડિયામાં રમીશઃ ધોની

ચેન્નાઇ, 30 જાન્યુઆરીઃ ભારતીય ક્રિકેટ ટીમના સુકાની મહેન્દ્ર સિંહ ધોનીએ કહ્યું કે તેણે ક્યારેય રાષ્ટ્રીય ટીમ તરફથી રમવાની આશા નહોતી કરી. તેણે સાથે જ કહ્યું કે, નાના શહેરના લેબલે તેને મજબૂત ખેલાડી બનાવ્યો.

ધોનીએ પેનલ ચર્ચામાં કહ્યું કે, મે ક્યારેય ભારત માટે રમવા અંગે વિચાર્યું નહોતું. જો કોઇ મેચ કે શ્રેણી માટે મારી પસંદગી થતી નહોતી તો હું ક્યારેય પણ ચિંતિત થતો નહોતો, પરંતુ મારું ધ્યાન આગામી મેચમાં યોગદાન આપતો રહેતો હતો. રાંચીમાં પોતાની શરૂઆત વર્ષો અંગે ધોનીએ કહ્યું કે ઘણા લોકો આવા નાના શહેરોને વધુ મહત્વ આપવામાં આવતું નહોતું.

એક હેલ્થ ડ્રિન્ક બ્રાન્ડના પ્રચાર કાર્યક્રમ તરીકે આયોજીત ચર્ચામાં ધોનીએ કહ્યું કે, તુલનાત્મક રીતે રાંચીમાં અનેક વરિષ્ઠ ખેલાડી છે. નાના શહેરોમાંથી આવતા મુશ્કેલીઓ આવે છે પરંતુ આ પડકારનો સામનો કરવા માટે મજબૂત બનવું પડે છે. ખેલ અને અન્ય કામો વચ્ચે તાલમેલ કેવી રીતે બેસાડે છે તે અંગે ધોનીએ કહ્યું કે, ખેલ તેની તમામ ગતિવિધિઓનું કેન્દ્ર છે.

હું ધોની પાસેથી સંયમ શીખવા ઇચ્છું છું: કોહલી

સ્ટાર બેટ્સમેન વિરાટ કોહલી ભારતીય ટીમના સુકાની મહેન્દ્ર સિંહ ધોની પાસેથી દબાણભી સ્થિતિમાં સંયમ જાળવવાની કળા શિખવા માંગે છે. કોહલીએ કહ્યું કે હું ધોનીની એક વસ્તુને ઘણી પસંદ કરું છું અને એ તેમનું ધેર્ય છે. કાશ, હું તેનો થોડોક ભાગ પણ લઇ શકતો. તે એક એવી વ્યક્તિ છે કે જે વધારે કંઇ દર્શાવતા નથી, જેનાથી પ્રતિસ્પર્ધી ટીમને ખબર નથી પડતી કે તેમના મગજમાં શું ચાલી રહે છે.

English summary

MS Dhoni admitted that growing up, he never even thought he would play for the country one day.