CSK vs KKR: કેપ્ટનશિપ ડેબ્યૂ મેચમાં જાડેજાએ ઈતિહાસ રચ્યો, આ લિસ્ટમાં ટોપ પહોંચ્યો!
ઈન્ડિયન પ્રીમિયર લીગની 15મી સિઝન શરૂ થઈ ગઈ છે, જેની પ્રથમ મેચ વાનખેડે મેદાન પર ચેન્નાઈ સુપર કિંગ્સ અને કોલકાતા નાઈટ રાઈડર્સની ટીમ વચ્ચે રમાઈ રહી છે.
નવી દિલ્હી : ઈન્ડિયન પ્રીમિયર લીગની 15મી સિઝન શરૂ થઈ ગઈ છે, જેની પ્રથમ મેચ વાનખેડે મેદાન પર ચેન્નાઈ સુપર કિંગ્સ અને કોલકાતા નાઈટ રાઈડર્સની ટીમ વચ્ચે રમાઈ રહી છે. બંને ટીમો માટે આ સિઝનમાં એક નવા કેપ્ટન ટીમની બાગડોર સંભાળતો જોવા મળશે, જે ટૂર્નામેન્ટના નવા ફોર્મેટ અને 10 ટીમોની લડાઈ વચ્ચે પોતાની ટીમ માટે ખિતાબ જીતવા માંગે છે. મહેન્દ્ર સિંહ ધોનીએ સીઝનની શરૂઆતના બે દિવસ પહેલા જ CSKની કેપ્ટનશીપ છોડવાનો નિર્ણય કર્યો અને જાડેજાને ટીમનો નવો કેપ્ટન બનાવવાનો નિર્ણય કર્યો છે.
IPL 2022ની પ્રથમ મેચમાં કોલકાતા નાઈટ રાઈડર્સ ટીમના કેપ્ટન શ્રેયસ અય્યરે ટોસ જીતીને પહેલા બોલિંગ કરવાનો નિર્ણય લીધો છે. આ સાથે જ છેલ્લી વખત સૌરાષ્ટ્રની અંડર-19 ટીમની કમાન સંભાળનાર રવીન્દ્ર જાડેજાને IPLમાં પોતાની કેપ્ટનશીપમાં ડેબ્યૂ વખતે ટોસમાં હારનો સામનો કરવો પડ્યો છે.
ભલે જાડેજા ટોસ હાર્યો હોય પરંતુ તેમ છતાં ચેન્નાઈ સુપર કિંગ્સના આ દિગ્ગજ ઓલરાઉન્ડરે એક મોટો રેકોર્ડ પોતાના નામે કરી લીધો છે અને કેપ્ટનશિપની શરૂઆત પહેલા સૌથી વધુ મેચ રમનારા ખેલાડીઓની યાદીમાં ટોચ પર પહોંચી ગયો છે. રવીન્દ્ર જાડેજાએ CSKની કપ્તાની સંભાળતા પહેલા 200 મેચ રમી છે અને આ યાદીમાં ટોચ પર પહોંચી ગયો છે. જાડેજાએ સનરાઇઝર્સ હૈદરાબાદની કપ્તાની સંભાળતા પહેલા 153 મેચ રમનાર મનીષ પાંડેને પાછળ છોડી દીધો છે.
આ યાદીમાં કિરોન પોલાર્ડ (137 મેચ), રવિચંદ્રન અશ્વિન (111), સંજુ સેમસન (107 મેચ) અને ભુવનેશ્વર કુમાર (103 મેચ)ના નામ પણ સામેલ છે, આ એવા ખેલાડીઓ છે જેમણે કેપ્ટનશિપમાં ડેબ્યુ કરતા પહેલા સૌથી વધુ મેચ રમી હતી. ટોસમાં હાર બાદ જ્યારે જાડેજા સાથે વાત કરવામાં આવી તો તેણે કહ્યું કે હા એ વાત સાચી છે કે ધોની પછી જે વારસો છોડવામાં આવ્યો છે તેને પૂર્ણ કરવાની તેના પર મોટી જવાબદારી છે, પરંતુ હું મારી જાતને આપવામાં આવેલી જવાબદારીથી ખૂબ જ ખુશ અને ઉત્સાહિત છું. જાડેજાએ પોતાની ટીમના 4 વિદેશી ખેલાડીઓના નામ પણ આપ્યા અને કહ્યું કે આજની મેચમાં કોનવે, બ્રાવો, એડમ મિલ્ને અને મિશેલ સેન્ટનરને તક આપવામાં આવી છે.
બંને ટીમોની પ્લેઈંગ ઈલેવન
ચેન્નાઈ સુપર કિંગ્સ પ્લેઈંગ 11 : રુતુરાજ ગાયકવાડ, ડેવોન કોનવે, રોબિન ઉથપ્પા, અંબાતી રાયડુ, રવિન્દ્ર જાડેજા (C), શિવમ દુબે, એમએસ ધોની (W), ડ્વેન બ્રાવો, મિશેલ સેન્ટનર, એડમ મિલ્ને, તુષાર દેશપાંડે.
કોલકાતા નાઈટ રાઈડર્સ પ્લેઈંગ 11: વેંકટેશ ઐયર, અજિંક્ય રહાણે, શ્રેયસ ઐયર (C), નીતિશ રાણા, સેમ બિલિંગ્સ (W), આન્દ્રે રસેલ, સુનીલ નારાયણ, શેલ્ડન જેક્સન, ઉમેશ યાદવ, શિવમ માવી, વરુણ ચક્રવર્તી.
Click it and Unblock the Notifications
Sign in with Google
