Wrestlers Protest : ખેલમંત્રી અને રેસલરોની બેઠક પુરી, 24 કલાકમાં બ્રિજભૂષણ સિંહને રાજીનામુ આપવા કહેવાયુ

વર્લ્ડ ચેમ્પિયનશિપ મેડલ વિજેતા વિનેશ ફોગાટે રેસલિંગ ફેડરેશન ઓફ ઈન્ડિયાના પ્રમુખ બ્રિજભૂષણ શરણ સિંહ પર જાતીય સતામણીનો આરોપ લગાવ્યો હતો.

નવી દિલ્હી : રેસલર વિનેસ ફોગાટે ભારતીય રેસલિંગ ફેડરેશનના પ્રમુખ બ્રિજભૂષણ શરણ સિંહ પર લગાવેલા શોષણ બાદ સતત હોવાળો ચાલી રહ્યો છે. આજે મોટી સખ્યામાં રેસલરો ભારતીય રેસલિંગ ફેડરેશનના વિરોધમાં રસ્તા પર ઉતર્યા હતા. હવે આ મુદ્દે મોટો નિર્ણય લેવાયો છે.

દેશના જાણીતા રેસલર રેસલિંગ ફેડરેશન ઓફ ઈન્ડિયા સામે વિરોધ કરી રહ્યા છે. વિનેશ ફોગાટ અને સાક્ષી મલિક સહિત ઘણા મોટા નામ આ વિરોધમાં જોડાયા છે. વર્લ્ડ ચેમ્પિયનશિપ મેડલ વિજેતા વિનેશ ફોગાટે રેસલિંગ ફેડરેશન ઓફ ઈન્ડિયાના પ્રમુખ બ્રિજભૂષણ શરણ સિંહ પર જાતીય સતામણીનો આરોપ લગાવ્યો હતો.

આ મુદે કેન્દ્રીય રમતગમત મંત્રી અનુરાગ ઠાકુર અને વિરોધ કરી રહેલા રેસલરો વચ્ચે તેમના નિવાસસ્થાને બેઠક યોજાઈ હતી. સામે આવી રહેલા સમાચારો અનુસાર, બેઠક બાદ ખેલ મંત્રી અનુરાગ ઠાકુરે મોટી કાર્યવાહીની જાહેરાત કરી છે. તેમણે બ્રિજ ભૂષણ સિંહને 24 કલાકમાં ફેડરેશનના અધ્યક્ષ પદ પરથી રાજીનામું આપવા આદેશ કર્યો છે. આ સાથે એવું પણ કહેવામાં આવ્યું છે કે જો તે આમ નહીં કરે તો તેમને હટાવી દેવામાં આવશે.

અહીં તમને જણાવી દઈએ કે વિનેશ ફોગાટના આરોપ બાદ રેસલરોમાં ગુસ્સો છે અને આજે મોટી સંખ્યામાં રસ્તા પર ઉતરીને વિરોધ નોંધાવ્યો હતો. વિરોધ બાદ આખરે આ નિર્ણય લેવાયો છે.

English summary

Meeting between sports minister and wrestlers ends, Brijbhushan Singh asked to resign within 24 hours