ચેમ્પિયન્સ ટ્રોફી માટે ભારતીય હોકી ટીમની કમાન સરદારસિંહના હાથમાં

નવી દિલ્હી, 6 નવેમ્બર: સરદારસિંહને ઓસ્ટ્રેલિયામાં યોજાનાર 34મી પુરુષ ચેમ્પિયન્સ ટ્રોફી માટે ભારતીય હોકી ટીમની કમાન સોંપવામાં આવી છે. હોકી ઇન્ડિયાએ આ ચેમ્પિયન્સશિપ માટે સોમવારે 18 સભ્યોવાળી ટીમની જાહેરાત કરી દીધી છે.

આ ટીમમાં છ સ્ટેન્ડબાય ખેલાડીઓનો પણ સમાવેશ કરવામાં આવ્યો છે. બધા જ ખેલાડીઓની પસંદગી પટિયાલામાં યોજાયેલી ટ્રાયલ બાદ કરવામાં આવી છે. ચેમ્પિયન્સ ટ્રોફીનું આયોજન 1થી 9 ડિસેમ્બર દરમિયાન મેલબોર્ન ખાતે યોજાવાની છે.

ભારતને ચેમ્પિયન્સ ટ્રોફી માટે પૂલ-એમાં જર્મની, ઇંગ્લેન્ડ અને ન્યૂઝિલેન્ડમાં રાખવામાં આવ્યું છે, જ્યારે ઓસ્ટ્રેલિયા, બેલ્જિયમ, નેદરલેન્ડ અને પાકિસ્તાન પૂલ-બીમાં છે.

ચેમ્પિયન્સ ટ્રોફી ઉપરાંત ખેલાડીઓ 22થી 25 નવેમ્બર સુધી પર્થમાં યોજાનાર ધી ઇન્ટરનેશનલ સુપર સીરિઝમાં ભારતીય ટીમનું પ્રતિનિધિત્વ કરશે. આ સીરિઝમાં ભારત ઉપરાંત ઓસ્ટ્રેલિયા, પાકિસ્તાન અને ઇંગ્લેન્ડની ટીમ પણ ભાગ લેશે.

ભારતીય હોકી ટીમ આ પ્રકારે છે:

ગોલકીપર: પીઆર શ્રીજેશ, પીટી રાવ
ફુલબેક: વીઆર રઘુનાથ, રૂપિંદરપાલ સિંહ, હરબીર સિંહ
હાફ બેક: સરદાર સિંહ (કપ્તાન), કાથાજીત સિંહ, બીરેન્દ્ર લાકરા, મનપ્રીત સિંહ, ગુરમેલ સિંહ.
ફોરવર્ડ: એસવી સુનીલ, ગુરવિંદરસિંહ ચાંડી, દાનિશ મુઝ્તબા, એસકે ઉથપ્પા, નિથિન થિમૈયા, યુવરાજ વાલ્મિકી, ધર્મવીર સિંહ, અને આકાશદીપ સિંહ.
સ્ટેંડબાઇ: શ્રીનિવાસ રાવ, અમિત રોહિતદાસ, એમબી અપૈયા, ચિંગલેનસાના સિંહ, પ્રધાન્ના સોમન્ના અને પીએલ થિમન્ના.

English summary

The Indian hockey selectors dropped seniors like Sandeep Singh, Ignace Tirkey, Tushar Khandkar and Shivendra Singh from the team for the International Super Series to be held in Perth from November 22 to 25.