Tokyo Olympics: વધુ એક નિરાશાજનક સમાચાર, 50 કિમી રેસ પુરી ન કરી શક્યા ગુરપ્રીત સિંહ
સખત ગરમી અને ભેજને કારણે કારણે ભારતના ગુરપ્રીત સિંહ 50 કિમીની રેસ પૂરી કરી શક્યા નથી. તેણે 35 કિલોમીટરનું અંતર કાપ્યું, પરંતુ તે પછી તે અસ્વસ્થતા અનુભવાતા રેસમાંથી બહાર થઈ ગયા.
સખત ગરમી અને ભેજને કારણે કારણે ભારતના ગુરપ્રીત સિંહ 50 કિમીની રેસ પૂરી કરી શક્યા નથી. તેણે 35 કિલોમીટરનું અંતર કાપ્યું, પરંતુ તે પછી તે અસ્વસ્થતા અનુભવાતા રેસમાંથી બહાર થઈ ગયા. તેમને તાણ અનુભવાતા મેડિકલ ટીમને પણ બોલાવવામાં આવી હતી. 25 કિમી સુધી ગુરપ્રીત 2:01:54 ના સમય સાથે 49 મા ક્રમે હતા. પરંતુ પાછળથી તેમને દુખાવો થયો, જેના કારણે રેસ પુરી કરી શક્યા નહીં. 35 કિલોમીટરનું અંતર બે કલાક 55 મિનિટ 19 સેકન્ડમાં પૂર્ણ કર્યા બાદ ગુરપ્રીતે 51 માં સ્થાન પર રહ્યા.
ફેબ્રુઆરીમાં નેશનલ વોકિંગ ચેમ્પિયનશિપમાં ગુરપ્રીતે વ્યક્તિગત શ્રેષ્ઠ પ્રદર્શન કર્યુ હતું. ત્યારે ગ્રુરપ્રીતે 3 કલાક 59 મિનિટ અને 42 સેકન્ડમાં રેસ પુરી કરીને ગોલ્ડ મેડલ જીત્યો હતો. તમને જણાવી દઈએ કે સ્પર્ધાની શરૂઆતમાં સાપોરો ઓડોરી પાર્કનું તાપમાન 25 ડિગ્રી સેલ્સિયસની આસપાસ હતું, જે બાદમાં વધીને 30 ડિગ્રી સેલ્સિયસ થઈ ગયું. ભેજ પણ 80 ટકા હતો. કુલ 59 ખેલાડીઓએ ભાગ લીધો હતો, પરંતુ તેમાંથી 12 ખેલાડીઓ રેસ પૂરી કરી શક્યા ન હતા.
આ રેસમાં પોલેન્ડના ડેવિડ તોમાલાએ બધાને આશ્ચર્યચકિત કરી અને ગોલ્ડ મેડલ પર કબજો કર્યો. તેણે 30 કિલોમીટરના અંતરે રેસ પર નિયંત્રણ લીધું અને તેને અંત સુધી બચાવી રાખ્યુ. તેણે એક સમયે લીડને ત્રણ મિનિટથી વધુ વધારી દીધી હતી. જો કે તે અંતિમ લાઇન પાર કરતી વખતે અસહજ લાગતો હતો. પરંતુ ટૂંક સમયમાં જ ડેવિડે પુનરાગમન કર્યું અને 3:50:08 ના સમય સાથે ઓલિમ્પિક ચેમ્પિયન બન્યો. જર્મનીના જોનાથન હિલ્બર્ટે 3:50:44 ના સમય સાથે સિલ્વર જીત્યો હતો, જ્યારે કેનેડાના ઇવાન ડનફીએ 3:50:59 ના સમય સાથે બ્રોન્ઝ જીત્યો હતો.
Click it and Unblock the Notifications
Sign in with Google
