ગુજરાતના મોટેરામાં ભારતને ટેસ્ટ જીતવી કપરી

Updated: Saturday, November 3, 2012, 17:18 [IST]

અમદાવાદ, 3 નવેંબરઃ ટી20 વિશ્વ કપ પછી ભારતના ક્રિકેટ રસીકોને વધુ એક દમદાર શ્રેણી જોવા મળશે. ઇંગ્લેન્ડની ઇન ફોર્મ ટીમ ભારતમાં ટીમ ઇન્ડિયાના આઉટ ઓફ ફોર્મ શેરો સાથે ચાર ટેસ્ટ, બે ટી20 અને પાંચ વનડે મેચ રમવાની છે. શ્રેણીની પહેલી મેચ અમદાવાદ ખાતે રમાઇ રહી છે, જો કે, અમદાવાદ ટેસ્ટ જીતવું ભારત અને ઇંગ્લેન્ડ બન્ને માટે કપરુ સાબીત થઇ શકે તેમ છે.

અમદાવાદના સરદાર પટેલ મોટેરા સ્ટેડિયમ ખાતે અત્યાર સુધી એટલે કે 1983થી લઇને 2010 સુધી(2010 પછી અહીં એક પણ ટેસ્ટ રમાઇ નથી) 11 ટેસ્ટ મેચ રમાઇ છે. જેમાં માત્ર પાંચ ટેસ્ટના જ રીઝલ્ટ આવ્યા છે. જ્યારે છ ટેસ્ટ ડ્રોમાં પરિણમી છે. એનો અર્થ કે અહીં ટેસ્ટ મેચ જીતવા માટે બન્ને ટીમે શાનદાર પ્રદર્શન કરવું પડશે.

ભારતની વાત કરીએ તો 11 મેચમાંથી ભારતનો માત્ર ત્રણ ટેસ્ટમાં વિજય થયો છે, જ્યારે બેમાં ભારતને કારમા પરાજયનો સામનો કરવો પડ્યો છે. જ્યારે ભારત છ મેચને ડ્રો કરવામાં સફળ રહ્યું હતું. ઇંગ્લેન્ડ સામેની મેચની વાત કરીએ તો ભારત અને ઇંગ્લેન્ડ વચ્ચે અમદાવાદમાં એક ટેસ્ટ મેચ રમાઇ છે. 2001માં રમાયેલી આ મેચ ડ્રોમાં પરિણમી હતી.

2001માં રમાયેલી મેચની વાત કરીએ તો ઇંગ્લેન્ડે પહેલી ઇનિંગમાં 407 જ્યારે બીજી ઇનિંગમાં 257 રન બનાવ્યા હતા. જેના જવાબમાં ભારતે પ્રથમ ઇનિંગમાં 291 અને બીજી ઇનિંગમાં 198 રન બનાવી મેચને ડ્રો કરવામાં સફળ નીવડ્યું હતું. ઉક્ત આંકડા જોતા એવું ફલિત થાય છેકે મોટેરાની પીચ પર ઇંગ્લેન્ડનું પ્રદર્શન સારું છે. જો કે, પરિસ્થિતિ બદલાઇ છે, ભારત ગમે તે સમયે મેચની પરિસ્થિતિ બદલવામાં માહેર છે.

હાલ ઇંગ્લેન્ડની ટીમ ફોર્મમાં છે અને સારું પ્રદર્શન કરી રહી છે. જ્યારે ભારતની ટીમ આતંરિક વિખવાદોના કારણે પોતાના પ્રદર્શન પર ધ્યાન આપી રહી નથી. જેનો અમદાવાદ ખાતેની પ્રથમ ટેસ્ટમાં ઇંગ્લેન્ડ ભરપૂર લાભ ઉઠાવશે. જો કે, આંકડાના હિસાબે અહીં મેચ જીતવી કપરી છે.

અહીં 1983થી 2010 દરમિયાન અમદાવાદના મોટેરા સ્ટેડિયમ ખાતે રમાયેલી મેચ અંગે માહિતી આપવામાં આવી છે....

મેચના પરિણામ

ટીમ-1	ટીમ-2	વિજેતા	માર્જીન	મેચની તારીખ અને વર્ષ
ભારત	વેસ્ટ ઇન્ડિઝ	વેસ્ટ ઇન્ડિઝ	138 રન	12-16 નવેમ્બર, 1983
ભારત	પાકિસ્તાન	ડ્રો		4-9 માર્ચ, 1987
ભારત	શ્રીલંકા	ભારત	ઇનિંગ અને 17 રન	8-12 ફેબ્રુઆરી, 1994
ભારત	દક્ષિણ આફ્રિકા	ભારત	64 રન	20-23 નવેમ્બર, 1996
ભારત	ન્યૂઝીલેન્ડ	ડ્રો		29 ઓક્ટો.- 2 નવે., 1999
ભારત	ઇંગ્લેન્ડ	ડ્રો		11-15 ડિસેમ્બર, 2001
ભારત	ન્યૂઝીલેન્ડ	ડ્રો		8-12 ઓક્ટોબર, 2003
ભારત	શ્રીલંકા	ભારત	259 રન	18-22 ડિસેમ્બર, 2005
ભારત	દક્ષિણ આફ્રિકા	દક્ષિણ આફ્રિકા	ઇનિંગ અને 90 રન	3-5 એપ્રિલ, 2008
ભારત	શ્રીલંકા	ડ્રો		16-20 નવેમ્બર, 2009
ભારત	ન્યૂઝીલેન્ડ	ડ્રો		4-8 નવેમ્બર, 2010