અમે કોઇ નબળી ટીમ નથી, ધોનીનો ગાવસ્કરને જવાબ

નવી દિલ્હી, ભારતીય ટીમના કપ્તાન મહેન્દ્રસિંહ ધોનીએ પૂર્વ કપ્તાન સુનીલ ગાવસ્કરને વળતો જવાબ આપતા જણાવ્યું હતું કે અમારી ટીમ નબળી નથી અને અમે કોઇપણ ટીમને હરાવવા માટેની ક્ષમતા ધરાવીએ છીએ. ધોનીએ પત્રકારોને જણાવ્યું કે અમારી ટીમ ભલે કાગળો પર નબળી હોય પરંતુ મેદાનમાં અમે સામેની ટીમને ટક્કર આપીશું.

ઉલ્લેખનીય છે કે મહાન ખેલાડી સુનિલ ગાવસ્કરે કહ્યું હતું કે ટીમ ઇન્ડિયા હજી પણ એટલી જ નબળી છે જેટલી ઇંગ્લેન્ડ અને ઓસ્ટ્રેલિયા પ્રવાસ દરમિયાન હતી. ભારતી ટીમ આ બંને પ્રવાસ દરમિયાન સતત 8 ટેસ્ટ મેચ હારી ગઇ હતી જેના કારણે તે ટેસ્ટ રેન્કિંગમાં નંબર એકનું સ્થાન ગુમાવ્યું હતું.

ગાવસ્કરે જણાવ્યું હતું કે ટીમના મુખ્ય ખેલાડીઓ હજી પણ ફોર્મમાં નથી, અને સંઘર્ષનો સામનો કરી રહ્યા છે. જ્યારે ઇંગ્લોન્ડની ટીમ સારા ફોર્મમાં છે અને આ સીરિઝ એક તરફી સાબિત થશે. જોકે મહેન્દ્રસિંહ ધોનીએ આ તમામ બાબતોને રદિયો આપી દીધો હતો.

English summary

Former India skipper Sunil Gavaskar aware of Team India's weaknesses ahead of the Test series against England but team india captain Mahendra Singh Dhoni denied it.