મેઘાલય, વાદળોની સેર કરાવતુ પ્રવાસન સ્થળ

Published: Friday, October 18, 2013, 15:44 [IST]

1972માં મેઘાલય, આસામથી અલગ થયું હતું. અહીં સંપૂર્ણપણે ખાસી, જયંતિયા અને ગારો જનજાતિના લોકો રહે છે. આ રાજ્ય ફળ અને સોપારીના ઉત્પાદન માટે ઘણું જ પ્રસિદ્ધ છે. અહીંના લોકોને સોપારી ચાવતા જોવા એક સામાન્ય વાત છે. શિલોંગ રાજ્યની રાજધાની છે, જે દેશનું 23મું સૌથી મોટું શહેર છે. મેઘાલય ઉત્તરમાં આસામ અને દક્ષિણમાં બાંગ્લાદેશથી ઘેરાયેલું છે. રાજ્યના અંદાજે એક તૃતિયાંશ ભાગમાં જંગલ છે. મેઘાલયના જંગલ સ્તનપાય, પક્ષી અને છોડની જૈવી વિવિધતા માટે પણ જાણીતું છે. અહીંના વિભિન્ન પ્રકારના જીવ-જંતુ અને વનસ્પતિ તમને ક્યારેય ના ભૂલી શકાય તેવો અનુભવ કરાવશે.

જોવામાં આવે તો મેઘાલયમાં ફરવું ખરા અર્થમાં સંસ્કૃતિ, પ્રકૃતિ, લોકો અને ભાષા વચ્ચેથી પસાર થવા સમાન છે. મંત્રમુગ્ધ કરી દે તેવો પ્રાકૃતિક નજારાના કારણે લોકો મેઘાલયને પણ ઘણા જ સુંદર સ્થળ તરીકે માને છે. મેઘાલયના લોકો ઘણા જ સાધારણ અને મહેમાનનવાજ હોય છે. આ રાજ્યની ખાસ વાત એ છે કે, મોટાભાગે જનજાતિય લોકો મેટ્રિલિનીઅલ સિસ્ટમને માને છે. એક એવી વ્યવસ્થા જેમાં વંશની માહિતી મહિલાઓ પરથી લગાવવામાં આવે છે અને મહિલાઓ ઉત્તરાધિકારી હોય છે. ખાસી અને જંયતિયા જનજાતિના લોકો પરંપરાગત મેટ્રિલિનીઅલ વ્યવસ્થાના નીયમો માને છે. ગોરો વંશ વ્યવસ્થામાં સૌથી નાની પુત્રીને પરિવારની સંપત્તિ વિરાસતમા મળે છે. તેમને નોકનાની ઉપાધી આપવામાં આવી છે, જેનો અર્થ હોય છે. ઘર માટે. જો કે માતા પિતા ઇચ્છે તો બીજી પુત્રીને પણ વારસ બનાવી શકે છે. તો ચાલો તસવીરો થકી જોઇએ મેઘાલયને.