ખેતી સમાચાર : આગામી બે દિવસ આ જિલ્લાઓમાં વરસાદની સંભાવના, જાણો ઠંડી કેવી રહેશે?
ચોમાસુ પાક નિષ્ફળ ગયા બાદ ગુજરાતના ખેડૂતો માટે પડ્યા પર પાટુ જેવી સ્થિતી સર્જાઈ છે. એક પછી એક માવઠાને કારણે શિળાયુ સિઝનમાં પણ ખેડૂતોની મહેનત પર પાણી ફરી વળતુ જોઈ શકાય છે.
હાલમાં જ ગુજરાતના ઘણા જિલ્લાઓમાં ભારે વરસાદ જોવા મળ્યો છે ત્યારે હવામાન વિભાગે ફરી એક વખત ખેડૂતોને માઠા સમાચાર આપ્યા છે. હવામાન વિભાગ અનુસાર, ગુજરાતના ઘણા જિલ્લાઓમાં કમોસમી વરસાદ જોવા મળી શકે છે.
આ જિલ્લાઓમાં વરસાદની આગાહી
હવામાન વિભાગની આગાહી અનુસાર આગામી 2 દિવસ દરમિયાન, મધ્ય અને દક્ષિણ ગુજરાતના કેટલાક જિલ્લાઓમાં વરસાદની સંભાવના છે. આ જિલ્લાઓમાં વડોદરા, ભરૂચ નર્મદા, તાપી અને ડાંગ જિલ્લાનો સમાવેશ થાય છે. ત્રણ જિલ્લામાં રવિવારે વરસાદ જોવા મળી શકે છે. આ જિલ્લામાં પંચમહાલ, વડોદરા, ભરૂચનો સમાવેશ થાય છે.
તાપમાનમાં ફેરફાર થશે
હવામાન વિભાગના જણાવ્યા અનુસાર, નોર્થ ઇસ્ટ અરેબિયન સાગરમાં એક સર્ક્યુલેશન છે અને તેના કારણે સામાન્ય વરસાદ પડી રહ્યો છે. આગામી ત્રણ દિવસમાં રાતનું તાપમાન વધશે અને ચોથા દિવસથી તાપમાન ઘટશે.હવામાન વિભાગ અનુસાર, આગામી ત્રણ દિવસ દિવસના તાપમાનમાં બે થી ત્રણ ડિગ્રી તાપમાનમાં વધારો થશે. આ પછી આ તાપમાન તેટલુ જ ઘટશે.
સિઝનનું સૌથી ઓછુ તાપમાન નોંધાયુ
જણાવી દઈએ કે, હાલમાં જ ગુજરાતના ઘણા જિલ્લાઓમાં થયેલા માવઠા બાદ ઠંડીમાં વધારો થયો છે. નલિયામાં સિઝનનું સૌથી ઓછુ તાપમાન નોંધાયુ છે. નલિયા મીનિમમ તાપમાન 12.2 ડિગ્રી સુધી પહોંચ્યુ છે.
જણાવી દઈએ કે, રાજ્યમાં માવઠાના વાતાવરણે ખેડૂતો માટે મોટી મુશ્કેલી સર્જી છે. જીરાના પાકમાં વાદળછાયુ વાતાવરણ અને માવઠુ મોટી મુશ્કેલી સર્જે છે. આ સિવાય અન્ય પાકોમાં પણ મોટુ નુકસાન જોવા મળી રહ્યું છે.
દક્ષિણ ગુજરાત અને સૌરાષ્ટ્રમાં ભારે વરસાદ બાદ રાજ્ય સરકારે નુકસાનનો સર્વે કરાવવાની પણ જાહેરાત કરાઈ છે. સરકાર સર્વે બાદ સહાયની જાહેરાત કરશે.
Click it and Unblock the Notifications
Sign in with Google
