MSP : 14 જેટલા પાકોના ટેકાના ભાવમાં કેન્દ્ર સરકારે વધારો કર્યો
MSP : ખેડૂત વિરોધી ગણાતી નરેન્દ્ર મોદીની આગેવાની વાળી કેન્દ્રની સરકાર હવે ખેડૂતોને મનાવવા એક પછી એક નિર્ણયો લઈ રહી છે. આ ક્રમમાં સરકારે 14 જેટલા ખેતી પાકોના ટેકાના ભાવમાં વધારો કર્યો છે.
કેન્દ્ર સરકારે કેબિનેટ બેઠકમાં 14 પાકોની MSP વધારવાનો મોટો નિર્ણય લીધો છે. કેબિનેટના નિર્ણયો વિશે માહિતી આપતા કેન્દ્રીય મંત્રી અશ્વિની વૈષ્ણવે કહ્યું કે ખરીફ પાક માટે MSP વધારવાની મંજૂરી આપવામાં આવી છે. જેમાં 14 પાકોનો સમાવેશ કરવામાં આવ્યો છે.
કેન્દ્ર સરકારે આ પાકો માટે ટેકાના ભાવમાં વધારો કર્યો
કેન્દ્ર સરકારે ડાંગરના ભાવમાં 117 રૂપિયાનો વધારો કર્યો છે, જે હવે 2300 રૂપિયા પ્રતિ ક્વિન્ટલ થઈ ગયો છે. ડાંગરની MSP 2300 રૂપિયા પ્રતિ ક્વિન્ટલ હશે, જે ગયા વર્ષ કરતાં 117 રૂપિયા વધુ છે.
તુવેરની એમએસપી 7550 રૂપિયા પ્રતિ ક્વિન્ટલ હશે, જે ગયા વર્ષ કરતાં 550 રૂપિયા વધુ છે. અડદની એમએસપી પ્રતિ ક્વિન્ટલ 7400 હશે, જે ગયા વર્ષની સરખામણીએ 450 વધુ છે, મગની એમએસપી 8682 પ્રતિ ક્વિન્ટલ હશે, જે ગયા વર્ષ કરતાં 124 વધુ છે.
કપાસની નવી MSP 7121 રહેશે. જ્યારે તેની બીજી જાત માટે નવી MSP 7521 રૂપિયા હશે, જે પહેલા કરતા 501 રૂપિયા વધુ છે. મગફળીની એમએસપી 6783 રૂપિયા પ્રતિ ક્વિન્ટલ હશે, જે ગયા વર્ષ કરતાં 406 રૂપિયા વધુ છે. એ જ રીતે, જુવારની એમએસપી 3371 રૂપિયા પ્રતિ ક્વિન્ટલ હશે, જે ગયા વર્ષ કરતાં 191 રૂપિયા વધુ છે.
જણાવી દઈએ કે, દેશભરના ખેડૂતો MSP વધારવા માટે આંદોલન કરી રહ્યા છે. ખેડૂતોના આંદોલનને સમાપ્ત કરવા માટે ચર્ચાના અનેક રાઉન્ડ થયા છે. પરંતુ તે વાતચીતો અનિર્ણિત રહ્યાં છે. હવે સરકાર MSP વધારીને ખેડૂતોને લોલીપોપ આપી રહી છે.
Click it and Unblock the Notifications
Sign in with Google
