Pitru Paksha 2023: શ્રાદ્ધ પક્ષનો આજથી પ્રારંભ, જાણો ક્યારે કોનુ શ્રાદ્ધ થશે, કયા દિવસે છે સર્વપિતૃ અમાસ?

Pitru Paksha 2023: શ્રાદ્ધ પક્ષ, પૂર્વજોની ખુશી અને આશીર્વાદ મેળવવા માટેનો સોળ દિવસનો તહેવાર, ભાદ્રપદ મહિનાની પૂર્ણિમાના દિવસથી અશ્વિન મહિનાના અમાવાસ્યા દિવસ સુધી ઉજવવામાં આવે છે. તેને પિતૃપક્ષ, મહાલય તરીકે પણ ઓળખવામાં આવે છે.

આ વર્ષે શ્રાદ્ધ પક્ષ 29 સપ્ટેમ્બર 2023થી શરૂ થશે અને 14 ઓક્ટોબર 2023ના રોજ સર્વપિતૃ અમાવસ્યા સુધી ચાલુ રહેશે. શ્રાદ્ધ પક્ષ દરમિયાન, પૃથ્વીવાસી પિંડ દાન, તર્પણ, દાન, બ્રાહ્મણ પર્વ વગેરે કરીને તેમના મૃત પૂર્વજોને આદર આપે છે.

શ્રાદ્ધ પક્ષના દરેક દિવસે પિતૃઓનું શ્રાદ્ધ અલગ-અલગ તિથિએ કરવામાં આવે છે. શ્રાદ્ધ પક્ષમાં, શ્રાદ્ધ કોઈ સંબંધીના મૃત્યુની તારીખે કરવામાં આવે છે. જે સંબંધીઓની મૃત્યુ તારીખ પૂર્ણિમાના દિવસે આવે છે તેમનું શ્રાદ્ધ ભાદ્રપદ મહિનાની પૂર્ણિમાના દિવસે કરવામાં આવે છે. તેવી જ રીતે તિથિ પ્રમાણે શ્રાદ્ધ કરવામાં આવે છે. જે લોકો તેમના મૃત પૂર્વજોની મૃત્યુ તારીખ જાણતા નથી, તેઓ સર્વપિતૃ અમાવસ્યાના દિવસે તેમનું શ્રાદ્ધ કરે છે.

કયા દિવસે કયુ શ્રાદ્ધ થશે

29 સપ્ટેમ્બર શુક્રવાર - પ્રૌષ્ટપદી પૂર્ણિમાનું શ્રાદ્ધ, બપોરે 3:29 વાગ્યા પછી અશ્વિન કૃષ્ણ પ્રતિપદાનું પાર્વણ શ્રાદ્ધ .
30 સપ્ટેમ્બર શનિવાર - પ્રતિપદાનું એકોદિષ્ટ શ્રાદ્ધ, બપોરે 12:22 પછી દ્વિતિયાનું શ્રાદ્ધ
1 ઓક્ટોબર રવિવાર - તૃતીયાનું શ્રાદ્ધ
2 ઓક્ટોબર સોમવાર - ચતુર્થીનું શ્રાદ્ધ, ભરણી શ્રાદ્ધ
3 ઑક્ટોબર મંગળવાર - પંચમીનું શ્રાદ્ધ
4 ઑક્ટોબર બુધવાર - ષષ્ઠીનુ શ્રાદ્ધ
5 ઓક્ટોબર ગુરુવાર - સપ્તમીનું શ્રાદ્ધ
6 ઓક્ટોબર શુક્રવાર - અષ્ટમીનું શ્રાદ્ધ
7 ઓક્ટોબર શનિવાર - નવમીનું શ્રાદ્ધ
8 ઑક્ટોબર રવિવાર - દશમીનું શ્રાદ્ધ
9 ઑક્ટોબર સોમવાર - એકાદશીનું પાર્વણ શ્રાદ્ધ 12:36 વાગ્યા પછી
10 ઑક્ટોબર મંગળવાર - એકાદશીનું શ્રાદ્ધ. મઘા શ્રાદ્ધ 11મી ઑક્ટોબર બુધવાર - દ્વાદશીનું શ્રાદ્ધ, સન્યાસીનું શ્રાદ્ધ
12 ઓક્ટોબર ગુરુવાર - ત્રયોદશીનું શ્રાદ્ધ.
13 ઓક્ટોબર શુક્રવાર - ચતુર્દશીનું શ્રાદ્ધ. શસ્ત્ર, અકસ્માત, અગ્નિ, પાણી, ઝેર વગેરેના કારણે મૃતકોનું શ્રાદ્ધ
14 ઓક્ટોબર શનિવાર - સર્વપિતૃ અમાવસ્યાનું શ્રાદ્ધ

અકસ્માતના કારણે મૃતકનું શ્રાદ્ધ ચતુર્દશીના દિવસે કરવું

શ્રાદ્ધ પક્ષની ચતુર્દશી તિથિએ શસ્ત્રથી કે અકસ્માતથી કે અકાળે મૃત્યુ પામેલા લોકોનું શ્રાદ્ધ કરવું જોઈએ, પછી ભલે તેમની મૃત્યુની તારીખ કોઈ બીજી હોય. સર્વપિતૃ અમાવસ્યાના દિવસે શ્રાદ્ધ એવા તમામ મૃતકો માટે કરવામાં આવે છે જેમની મૃત્યુ તારીખ ખબર નથી. આ દિવસે, આપણા બધા જાણ્યા-અજાણ્યા પૂર્વજોનું શ્રાદ્ધ કરી શકાય છે. આ ઉપરાંત માતા-પિતાનું શ્રાદ્ધ સર્વપિતૃ અમાવસ્યાના બીજા દિવસે કરવામાં આવે છે જે 15 ઓક્ટોબરે થશે.

English summary

Pitru Paksha 2023: Shraddha have started from today 29 September 2023 to 14 October 2023. Know the details here.