Swapan Shastra : જો આ વસ્તુ સપનામાં દેખાય તો, પૈસા ગણવા તૈયાર થઇ જાવ
Swapan Shastra : સ્વપ્ન શાસ્ત્ર અનુસાર, વ્યક્તિ દ્વારા જોવામાં આવેલું સ્વપ્ન ચોક્કસપણે કોઈને કોઈ અર્થ ધરાવે છે. ખાસ કરીને સૂર્યોદયના થોડા કલાકો પહેલા જોવામાં આવેલા સપનામાં કોઈને કોઈ નિશાની ચોક્કસ છૂપાયેલી હોય છે.
Swapan Shastra : દુનિયાના લગભગ દરેક જીવિત પ્રાણીને સ્વપ્ન આવે છે. ઘણા લોકોને સપના યાદ રહેતા નથી, ઘણા સપના યાદ રહી જાય છે. ઘણા સપના અજીબ હોય છે, તો ઘણા સપના અતિ ડરામણા હોય છે. આજે આપણે સપનામાં દેખાતી એવી કેટલીક વસ્તુઓ વિશે જાણીશું, જે દેખાવાથી તમને શુભ પરિણામ મળે છે.
નોટ જોવી ખૂબ જ શુભ હોય
સપનામાં નોટ જોવી ખૂબ જ શુભ હોય છે. જો તમે સ્વપ્નમાં તમારી જાતને બેંકમાં પૈસા જમા કરતા અથવા પૈસા બચાવતા જુઓ છો, તો તેનો અર્થ એ છે કે તમને ભવિષ્યમાં જલ્દી પૈસા મળવાના છે.
અન્ય વ્યક્તિ તમને પૈસા આપતી જોવા મળે
જો સપનામાં કોઈ અન્ય વ્યક્તિ તમને પૈસા આપતી જોવા મળે છે, તો તેનો અર્થ એ પણ છે કે તમને જલ્દી જ ક્યાંકથી અચાનક પૈસા મળી જશે. આ તમારી આવકના સ્ત્રોતમાં વધારો કરવાનો પણ સંકેત છે.
સફેદ હાથી અથવા ઐરાવત હાથી દેખાવો
જો તમને સપનામાં સફેદ હાથી અથવા ઐરાવત હાથી દેખાય તો તે ખૂબ જ શુભ હોય છે. ઐરાવત હાથીને દેવરાજ ઈન્દ્રની સવારી માનવામાં આવે છે. સ્વપ્નમાં ઐરાવત હાથી જોવાનો અર્થ છે કે તમારા જીવનમાં વૈભવ અને માન-સન્માન વધશે.
સફેદ સાપ જોવો
સપનામાં સફેદ સાપ જોવો પણ ખૂબ જ શુભ હોય છે. સાપને ધનનો રક્ષક માનવામાં આવે છે અને સપનામાં સફેદ સાપ જોવો એ અપાર ધન, સોનું અને ચાંદી મળવાનો સંકેત છે. આવા સ્વપ્ન જોવાનો અર્થ એ છે કે ટૂંક સમયમાં તમને ઘણા પૈસા મળવાના છે અને તમે ધનવાન બનવાના છો.
સિક્કાના ઢગલા વચ્ચે બેઠેલા જોવું
સ્વપ્નમાં પોતાને સિક્કાના ઢગલા વચ્ચે બેઠેલા જોવું, સિક્કા ખડકવાનો અવાજ સાંભળવો એ ખૂબ જ સારું સ્વપ્ન છે. આવા સ્વપ્ન એ પણ સૂચવે છે કે તમને પૈસા મળશે.