BMW તમામ મોડેલ્સને રજૂ કરશે BS-6 અવતારમાં, પ્રોડક્શન શરૂ
BMW તમામ મોડેલ્સને રજૂ કરશે BS-6 અવતારમાં, પ્રોડક્શન શરૂ
જર્મન કાર કંપની BMW એ જાહેરાત કરી છે કે કંપનીના તમામ પેટ્રોલ મોડેલ હવે બીએસ-6 પ્રમાણે હશે. ભારતમાં કંપનીના તમામ પેટ્રોલ સંચાલિત મોડેલ હવે નવા ઉત્સર્જન માપદંડોનું પાલન કરશે. કંપનીએ વધુમાં કહ્યું છે કે આગામી મહિનામાં ડીઝલ મોડેલ પણ અપડેટ કરવામાં આવશે. બીએસ-6 ડીઝલ વેરિએન્ટનું ઉત્પાદન શરૂ થઈ ચૂક્યુ છે.
6 - સિરીઝ જીટી સામેલ
આ લિસ્ટમાં 5 - સિરીઝ, 6 - સિરીઝ જીટી સામેલ છે. કંપની ટૂંક સમયમાં જ ત્રીજા બીએસ-6 ડીઝલ મોડેલ એક્સ 1નું ઉત્પાદન પણ શરૂ કરશે.
મોડેલ પસંદ કરવાની પરવાનગી
બીએમડબલ્યુ ભારતમાં લોન્ચ કરાયેલા નવા મોડેલને બીએસ-4, અને બીએસ-6 બંને પ્રકારે રજૂ કરશે. બીએમડબલ્યુ ગ્રાહકોને કોઈ પણ મોડેલ પસંદ કરવાની પરવાનગી આપી છે.
કિંમતમાં વધારો
BMWએ કહ્યું છે કે તેઓ પોતાના બીએસ-6 વાહનોની કિંમતમાં 6 ટકાનો વધારો કરી શકે છે. કંપનીએ પોતાના બીએસ-4 મોડેલ પર ફાઈનાન્સ ઓફર અને ડિસ્કાઉન્ટની પણ રજૂઆત કરી છે.
આ વર્ષે 3 – સિરીઝ લૉન્ચ કરી
કંપનીએ ચાલુ વર્ષે ભારતીય માર્કેટમાં 3 - સિરીઝ લૉન્ચ કરી છે. ભારતમાં લેટેસ્ટ જનરેશન BMW 3 સિરીઝની કિંમત 41.40 લાખ રૂપિયા (એક્સ-શોરૂમ, ભારત)થી શરૂ થશે.
ત્રણ વેરિયન્ટ
નવી BMW 3 સિરીઝને ત્રણ વેરિયન્ટ અને 2 એન્જિનના ઓપ્શનમાં લોન્ચ કરાઈ છે. કંપનીએ પોતાના એમ5 કોમ્પિટિશન મોડેલને બજારમાં 1.54 કરોડ રૂપિયા (એક્સ શો રૂમ,ભારત)માં લોન્ચ કર્યા છે.
શ્રેષ્ઠ સેડાન કાર
નવી BMW એમ 5 કોમ્પિટિશન, એમ 5 સ્ટાન્ડર્ડની સરખામણીએ વધુ સારી સેડાન કાર છે, વધુ સારા ફીચર્સ સાથે આવે છે.
અમારા વિચાર
BMW ભારતીય માર્કેટમાં અગ્રણી કાર બ્રાન્ડ છે. BMW ભારતમાં પોતાના પ્રોડક્શન પોર્ટફોલિયોમાં બીએસ-6 મોડેલ રજૂ થનારી સેગમેન્ટની પહેલી બ્રાન્ડ છે.
BMW હાલ ભારતમાં આક્રમક રણનીતિ પર કામ કરી રહી છે, જેને લીધે જ છેલ્લા મહિનામાં કેટલીક નવી કાર્સ લોન્ચ થઈ છે. 3-સિરીઝ અને એમ - 5 કોમ્પિટિશન ઉપરાંત BMWએ ભારતમાં પોતાની મુખ્ય સેડાન અને SUV, 7 સિરીઝ અને X7 રજૂ કરી છે.
રૉયલ એનફિલ્ડ ક્લાસિક 350 સિંગલ સીટ ભારતમાં થયું લોન્ચ, અહીં જુઓ ફોટો