હવે બાઇક્સમાં પણ આવી ગયું નેવિગેટર
આ સમયે નેવિગેશન સિસ્ટમનું ચલણ ઘણુ વધી ગયું છે. દરેક વ્યક્તિ ઇન્ટરનેટ, જીપીએસ અને શાનદાર મેપ જેવી ટેક્નિક સાથે દરેક પળે જોડાયેલો રહેવા માગે છે. મહાનગરોમાં જીપીએસ ટેક્નિકનો ઘણો પ્રયોગ કરી રહ્યા છે. નેવિગેશન સિસ્ટમનો સૌથી મોટો ફાયદો એ છે કે તમે કોઇપણ તણાવ અને ચિંતા વગર ગમે તે જગ્યાએ જઇ શકે છે, જો તમને રસ્તાની સમજ ના હોય તો પણ આ સિસ્ટમ તમને એક ગાઇડની જેમ જાણકારી પ્રદાન કરતી રહેશે.
પરંતુ હજુ સુધી નેવિગેશન સિસ્ટમ માત્ર કાર્સ સુધી જ સિમિત હતી, જો કે હવે જીપીએસ ટેક્નિકની ડિવાઇસ બનાવનારી દેશની પ્રમુખ કંપની મેપ માય ઇન્ડિયાએ બાઇક્સ માટે પણ એક શાનદાર નેવિગેટરને રજૂ કર્યું છે. મેપ માય ઇન્ડિયાએ પોતાના આ નવા નેવિગેટરને ટ્રેલબ્લેજર નામ આપ્યું છે. તમને જણાવી દઇએ કે આવું પહેલીવાર છે કે જ્યારે કોઇ કંપનીએ બાઇક માટે નેવિગેશન સિસ્ટમ બજારમાં ઉતારી હોય. તો ચાલો તસવીરોના માધ્યમથી જોઇએ આ નેવિગેટરને.
આવી ગયું નેવિગેટર
આ નેવિગેટરને તમારી બાઇકમાં લગાવવા માટે માત્ર 16 હજાર રૂપિયાનો ખર્ચ થશે, જે વન ટાઇમ ઇન્વેસ્ટમેન્ટ છે.
ટીએફટી ડિસપ્લે
આ સિસ્ટમમાં 8.9 ઇંચની ટચ ટીએફટી ડિસપ્લે સામેલ કરવામાં આવી છે, જેમાં ઘણા બધા ફીચર્સ એડ કરવામાં આવ્યા છે.
3 ડી નેવિગેશન ફીચર
આ સિસ્ટમમાં 3ડી નેવિગેશન ફીચરને પણ સામેલ કરવામાં આવ્યું છે. તમે 3ડી વ્યૂમાં તમારી આસપાસના ક્ષેત્રને જોઇ શકો છો.
જીપીએસ સિસ્ટમ
આ ઉપરાંત જીપીએસ સિસ્ટમથી તમે તમારા મનગમતા એડ્રેસને પણ પ્રાપ્ત કરી શકો છો.
સજેસ્ટિવ કિબોર્ડ
મેપ માય ઇન્ડિયા ટ્રેબલેઝરમાં સજેસ્ટિવ કિબોર્ડનો પ્રયોગ કરવામાં આવ્યો છે. તમે આ કિબોર્ડમાં કોઇ સ્થળ અંગે સર્ચ કરવા ટાઇપ કરશો તો એ સ્થળ માટે આ કિબોર્ડ તમને સજેસ્ટ કરશે.
ગ્રામીણ વિસ્તારની જાણકારી
એટલું જ નહીં આ નેવિગટેરથી તમને માત્ર શહેરના વિસ્તારો જ નહીં પરંતુ ગ્રામીણ વિસ્તાર અંગે પણ સંપૂર્ણ માહિતી હાંસલ કરી શકે છે.