ભારતમાં 2014માં ધૂમ મચાવતી ટોપ 10 બાઇક્સ

Published: Saturday, August 30, 2014, 17:47 [IST]

ભારતીય ઓટોમોબાઇલ સેક્ટરમાં ટૂ વ્હીલર સેગ્મેન્ટમાં અનેક પ્રકારની બાઇક દરરોજ લોન્ચ થાય છે. જેમા વિવિધ સીસી સેગ્મેન્ટમાં વિવિધ કંપનીઓ જેમ કે, બજાજ, હીરો, સુઝુકી, હોન્ડા અને યામાહા દ્વારા પોતાની બાઇક લોન્ચ કરીને વધુ ગ્રાહકો પોતાની તરફ આકર્ષવાનો પ્રયાસ કરવામાં આવી રહ્યો છે. જેમાંથી કેટલીક સફળ રહે છે તો કેટલીક નિષ્ફળ. જો કે આ સાથે બાઇક ખરીદદારોને એક લાંબી યાદી મળી રહે છે, પોતાની પસંદગીની બાઇક ખરીદવામાં.

જો તમે પણ ભારતની 2014ની ટોપ બાઇક્સમાંથી પોતાની પસંદગીની બાઇક ખરીદવા માગતા હોવ પરંતુ પસંદગી કોના પર ઉતરાવી તેને લઇને મુંઝવણ અનુભવી રહ્યાં હોવ તો અમે અહીં તમારી સમસ્યાનું સમાધાન થઇ શકે એ હેતુસર તસવીરો થકી કેટલીક બાઇક્સ અંગે આછેરી માહિતી આપી રહ્યાં છીએ. તો ચાલો એ અંગે જાણીએ.
આ પણ વાંચોઃ- ભારતમાં ધૂમ મચાવતી મર્સીડિઝ બેન્ઝની ટોપ 10 કાર્સ
આ પણ વાંચોઃ- અચાનક કારની બ્રેક ફેઇલ થઇ જાય તો? જાણો ખાસ બાબતો
આ પણ વાંચોઃ- ભારતમાં આ 10 કાર્સની છે શાનદાર રિસેલ વેલ્યુ

બજાજ ડિસ્કવર

આ બાઇક સ્પોર્ટી લૂક અને સારી એવરેજ આપે છે. આ બાઇકના બે વર્ઝન છે, જેમાં 125 સીસી એન્જીનનો ઉપયોગ કરવામાં આવ્યો છે. બાઇકની કિંમત 50 હજાર રૂપિયા છે.

બજાજ પલ્સર

આ ભારતની સૌથી લોકપ્રીય સ્પોર્ટ બાઇક છે, આ બાઇકના 135સીસી, 150સીસી, 180સીસી, 200એનએસ અને 220એફ મોડલ બજારમાં ઉપલબ્ધ છે. જેની કિંમત 60,000 થી 90,000 રૂપિયા છે.

હીરો કરિઝ્મા

આ બાઇકના બજારમાં બે વર્ઝન ઉપલબ્ધ છે, એક કરિઝ્મા આર અને બીજું કરિઝ્મા ઝેડએમઆર. જેની કિંમત 86 હજારથી 1.07 લાખ રૂપિયા છે.

હીરો સ્પેલન્ડર એનએક્સજી

ભારતની સૌથી વધુ સેલિંગ બાઇક સ્પેલન્ડર છે અને આ તેનું જ એક વર્ઝન છે. આ બાઇક 65 કિ.મી પ્રતિ લિટરની એવરેજ આપી શકે છે. તેની કિંમત 46 હજાર રૂપિયાની આસપાસ છે.