સુંદર દેખાવા માટે ગધેડીના દૂધથી સ્નાન કરતી હતી મિસ્ત્રની મહારાણી
કાહિરા, 17 જૂન: સ્ત્રી સુંદર દેખાવા માટે કંઇ શું નથી કરતી. આજે સુંદર દેખાવા માટે તમામ પ્રકારના સૌંદર્ય પ્રસાધન અને બીજા અન્ય પ્રકારના ઉપાય ઉપલબ્ધ છે તેમછતાં સ્ત્રીઓ દરરોજ સુંદર બનવાની ચિંતામાં ડૂબેલી રહે છે.
પરંતુ શું તમને ખબર છે કે ઇતિહાસની સૌથી સુંદર મહિલામાં સામેલ મિશ્રની મલિક્કા કિલિયોપૈટ્રા સુંદર દેખાવા માટે શું કરતી હતી. જો તમે જાણતા ન હોવ તો તમને જણાવી દઇએ કે મિશ્રની આ સુંદરી ગઘેડીના દૂધથી સ્નાન કરતી હતી. ઇતિહાસમાં કિલિયોપૈટ્રાનો ઉલ્લેખ એકદમ સુંદર યુવતી તરીકે કરવામાં આવ્યો છે અને તેના માટે તે ગધેડીના દૂધનો ઉપયોગ કરતી હતી.
તે સ્નાન કરવા માટે દરરોજ 700 ગધેડીનું દૂધ મંગાવતી હતી. જેથી તેની ત્વચા સુંદર બનેલી રહેલી હતી. ભલે તમે આ વાત પર હસો પરંતુ તાજેતરમાં થયેલા એક અધ્યનમાં આ વાત સાબિત થઇ છે.
તુર્કીમાં થયેલા એક રિસર્ચ મુજબ એક શોધ દરમિયાન ઉંદરોને ગાય અને ગધેડીનું દૂધ પીવડાવવામાં આવ્યું તો ગાયનું દૂધ પીનાર ઉંદરો જાડા જોવા મળ્યા હતા. આનાથી સ્પષ્ટ થાય છે કે ગધેડીના દૂધમાં ગાયના દૂધની તુલનામાં ઓછી ચરબી હોય છે જે ગમે તે રૂપમાં સારું હોય છે.
જો તમને આ સાંભળીને આશ્વર્ય થઇ રહ્યું હોય તો અમે તમને જણાવી દઇએ કે સુંદર દેખાવા માટે અજીબો-ગરીબ નખરા કરનાર તે એકલી જ મહારાણી ન હતી. આ ઉપરાંત સ્કોટલેંડની મેરી ક્વીન આકર્ષક દેખાવા માટે દારૂ વડે સ્નાન કરતી હતી.
આના આધારે સુંદર અને ચમકાદાર દેખાવા માટે પહેલાં કાચનો પાવડરનો લેપ ચહેરા પર કરવામાં આવતો હતો પરંતુ તેનાથી નુકસાન થતું હોવાનું સામે આવતાં લોકોએ મરકરીનો ઉપયોગ શરૂ કરી દિધો. આજે પણ મરકરીનો ઉપયોગ સૌંદર્ય પ્રસાધનના રૂપમાં કરવામાં આવે છે.