પ્રેમીને પતિ સાથે ઘરમાં રાખવા હાઈટેન્શન વાયર પર ચડી ગઈ મહિલા, જાણો ક્યાંની છે પુરી ઘટના?
શોલેની બસંતી માટે પાણીના ટાંકા પર ચડીને ચિલ્લાતા વિરૂની જેમ જ એક મહિલાએ ગોરખપુરમાં ધમાલ મચાવી છે. આ મહિલા તેના પ્રેમી માટે વિજળીના થાંભલે ચડી ગઈ.
ગોરખપુરમાં ત્રણ બાળકોની માતા પોતાના પ્રેમી માટે ઇલેક્ટ્રિક પોલ પર ચઢી ગઈ. તેણીની માંગ હતી કે તેનો પતિ તેના પ્રેમીને પણ ઘરમાં રાખે. તેના પતિને આ વાત પર ગુસ્સો આવતા તેણી ગુસ્સે થઈ ગઈ અને ઈલેક્ટ્રીક પોલ પર ચઢી ગઈ. પોલીસે ઘટનાસ્થળે પહોંચી મહિલાને શાંત પાડીને નીચે ઉતારી.
ગોરખપુરના પિપરાચ પોલીસ સ્ટેશન વિસ્તારમાં બુધવારે બપોરે લગભગ 12 વાગે એક મહિલા તેના ઘરની બહાર આવી અને ઇલેક્ટ્રિક પોલ પર ચઢી ગઈ. ત્યાર બાદ ત્યાં હાઈવોલ્ટેજ ડ્રામા શરૂ થયો અને ભીડ એકઠી થઈ ગઈ.
આ મહિલા ઈલેક્ટ્રીક પોલ પર ચઢી ગઈ હતી. આ પછી તેણે 11 હજાર કેવીએના હાઈ ટેન્શન વાયરને ટાઈટ પકડી લીધો. તે સમયે લાઇટ બંધ હતી નહીં તો મોટી દુર્ઘટના સર્જાઈ હોત.
આ પછી લોકોએ આ અંગે પોલીસને જાણ કરી. પોલીસ ઘટનાસ્થળે પહોંચી અને મહિલાને શાંત પાડીને વીજળી વિભાગની ટીમની મદદથી તેને નીચે ઉતારી. હાલ મહિલા સુરક્ષિત છે અને તેને તેના પતિ સાથે ઘરે મોકલી દેવામાં આવી છે. આ મામલે કોઈની પણ ફરિયાદ નોંધાઈ નથી.
આ 34 વર્ષની મહિલા પરિણીત છે અને 3 બાળકોની માતા પણ છે. આ મહિલાનું કોઈ અન્ય સાથે અફેર છે અને તેના પતિ સાથે અણબનાવ ચાલી રહ્યો છે. તેના પતિનું નામ રામ ગોવિંદ છે, જેની ઉંમર 35 વર્ષ છે. તે ઘર ચલાવવા માટે મજૂરી કામ કરે છે.
પત્ની મક્કમ છે કે તે તેના પ્રેમીને ઘરે રાખવા માંગે છે. પતિએ ના પાડી અને તેના કારણે રસ્તા પર ઝઘડો થયો. કોઈએ આ ઘટનાનો વીડિયો બનાવીને વાયરલ કરી દીધો.
Click it and Unblock the Notifications
Sign in with Google
