Chandrayaan 3 : ચંદ્રયાનના સફળ લેન્ડિંગ માટે લખનૌ ઇદગાહમાં બાળકોએ નમાઝ અદા કરી, જાણો શું ઇમામે?
ભારતનું ચંદ્રયાન અવકાશમાં મોટી ઉપબલ્ધી હાંસલ કરવાથી માત્ર 24 કલાક દુર છે. 23 ઓગસ્ટે ચંદ્રયાન ચંદ્રની ધરતી પર ઉતરવા જઈ રહ્યું છે ક્યારે ભારતના તમામ લોકો તેની સફળતાની દુઆ કરી રહ્યા છે. આ ક્રમમાં લખનૌમાં નમાઝ અદા કરવામાં આવી.
ઉત્તર પ્રદેશના લખનૌમાં ચંદ્રયાન-3ના સફળ લેન્ડિંગ માટે સ્થાનિક મુસ્લિમ બિરાદરોએ ઈસ્લામિક સેન્ટર ઓફ ઈન્ડિયામાં નમાઝ અદા કરી હતી. આ મુદ્દે વાત કરતા લખનૌ ઇદગાહના ઇમામ ખાલિદ રશીદ ફરંગી મહાલીએ જણાવ્યુ કે, બાળકોએ ઇસ્લામિક સેન્ટર મદરેસામાં નમાજ અદા કરી અને ચંદ્રયાન-3ના સફળ લેન્ડિંગ માટે પ્રાર્થના કરી.
તેમણે આગળ જણાવ્યુ કે, આવતીકાલે ચંદ્ર પર ચંદ્રયાન 3ના સફળ લેન્ડિંગ માટે ઇસ્લામિક સેન્ટર મદરેસાના બાળકોએ પ્રાર્થના કરી. આ દરમિયાન તેમણે કહ્યું કે, હિંદુ અને મુસ્લિમ ધર્મમાં ચંદ્રનું મહત્વ છે, જેના કારણે અમને આ મિશન સાથે લગાવ છે.
તેમણે વધુમાં જણાવ્યું કે, ઇસ્લામિક સેન્ટર મદરેસામાં બાળકો સાયન્સનો પણ અભ્યાસ કરી રહ્યા છે અને તેઓમા ઘણી ઉત્સુકતા છે. હું મારા હૃદયપૂર્વક અભિનંદન આપું છું. ISROના તમામ વૈજ્ઞાનિકો અને અધિકારીઓને અભિનંદન.
જણાવી દઈએ કે, ચંદ્રયાન 3 ના સફળ લેન્ડિંગ માટે કાશીમાં પૂજા શરૂ કરાઈ છે. કાશીના ઘણા પ્રસિદ્ધ મંદિરોમાં હવનની પૂજા કરવામાં આવશે અને હનુમાન ચાલીસાના પાઠ કરાશે.
આ સિવાય ચંદ્રયાન 3 ના સફળ લેન્ડિંગ માટે 21 ઓગસ્ટે વારાણસીના કામાખ્યાના મંદિરમાં હવન પૂજા સાથે વિશેષ પ્રાર્થના કરાઈ હતી. લોકો ચંદ્રયાન-3નો ફોટો લઈને મંદિર પહોંચ્યા અને પૂજા કરીને ચંદ્રયાન-3ના સફળ ઉતરાણ માટે શુભેચ્છા પાઠવી હતી.
#WATCH | Lucknow Eidgah Imam scholar Khalid Rasheed Firangi Mahali says, "Children offered namaz at Islamic Center madrasa and prayed for the successful landing of Chandrayaan-3...They also study science here so they have a lot of curiosity regarding this. I extend my heartiest… https://t.co/Bo9pG1psFL pic.twitter.com/xRZj0UcjKc
— ANI (@ANI) August 22, 2023
જણાવી દઈએ કે 23 ઓગસ્ટે ISRO ચંદ્રયાન-3ને ચંદ્ર પર ઉતારવાની તૈયારી કરી રહ્યું છે. જો ચંદ્રયાન 3 સફળતાપૂર્વક ઉતરશે તો ભારત ચંદ્રના દક્ષિણ ધ્રુવ પર ચંદ્રયાન ઉતરનાર પ્રથમ દેશ બનશે.
Click it and Unblock the Notifications
Sign in with Google
