સૈનિકોની કબર પર યુવતીઓનો ડાન્સ વાયરલ, પોલીસ એક્શનમાં આવી
એક તરફ રશિયાના આતંકને કારણે યુક્રેનમાં તબાહીનો માહોલ છે ત્યારે બીજી તરફ એક યુક્રેનિયન યુવતીનો વીડિયો સોશિયલ મીડિયા પર વાયરલ થઈ રહ્યો છે. કબરો પર જઈને ડાન્સ કરતી આ યુવતીનો વીડિયો જોઈને પોલીસ પણ એક્શનમાં આવી છે.
કોઈપણ દેશ માટે પોતાના શહિદોનું સન્માન સૌથી મોટી વાત હોય છે ત્યારે આ વીડિયો સામે આવ્યા બાદ હવે લોકોમાં રોષ જોવા મળી રહ્યો છે. યુક્રેનની બે યુવતીઓ શહીદોની કબર પર ડાન્સ કરતા તેની સામે કાર્યવાહી કરાઈ છે.
અહેવાલો અનુસાર, યુક્રેનના કિવની રહેવાસી આ બન્ને યુવતીઓ પર દેશના સૈનિકોનું અપમાન કરવાનો આરોપ છે. આ અપમાનનો વીડિયો વાયરલ થયા બાદ લોકોમાં ગુસ્સો છે. જણાવી દઈએ કે આ બંને છોકરીઓ બહેનો છે અને દેશના શહીદોની કબરો પર અશ્લીલ વાયરલ થયા બાદ વિવાદમાં આવી છે.
ડાન્સ સાથે તેણે આ ઘટનાનો વીડિયો રેકોર્ડ કર્યો અને તેને સોશિયલ મીડિયા પર પોસ્ટ કર્યો હતો. આ વીડિયો વાયરલ થતાં જ પોલીસ એક્શનમાં જોવા મળી હતી. આ વીડિયો સૌથી પહેલા ઈન્સ્ટાગ્રામ પર પોસ્ટ કરવામાં આવ્યો અને ત્યાંથી વાયરલ થયો.
વીડિયોને લઈને દાવો કરાઈ રહ્યો છે કે આ વીડિયો 24 ઓગસ્ટ યુક્રેનના સ્વતંત્રતા દિવસ પર શૂટ કરવામાં આવ્યો છે. આ વીડિયોમાં ટૂંકા કપડા પહેરેલી યુવતીઓ સૈનિકોની કબર પર ઊભી રહીને અશ્લીલ ડાન્સ કરી રહી છે.
જો કે વિવાદ સામે આવ્યા બાદ આ વીડિયોને હટાવી દેવાયો અને માફી પણ માંગવામાં આવી છે. સોશિયલ મીડિયા પર આ વીડિયો વાયરલ થતા જ યુક્રેનના લોકોમા્ં ગુસ્સો જોવા મળ્યો હતો.
અહેવાલો અનુસાર, યુક્રેનિયન પોલીસે 24 ઓગસ્ટે વીડિયો જોયો હોવાનો દાવો કર્યો છે. વીડિયો મળ્યાના એક કલાકમાં જ પોલીસને ખબર પડી કે બંને યુવતીઓ ક્યાં રહે છે. જારી કરાયેલા નિવેદનમાં કહેવામાં આવ્યું છે કે પોલીસે બંને યુવતીઓની ધરપકડ કરી છે અને તેમને 5 વર્ષ સુધીની જેલ થઈ શકે છે.
Click it and Unblock the Notifications
Sign in with Google
