અહો આશ્ચર્ય: અહીં 12 વર્ષની ઉંમર બાદ છોકરી બની જાય છે છોકરો
લંડન: દુનિયાના અનેક ભાગોમાં ઘણી અજીબો ગરીબ ઘટનાઓ બનતી હોય છે કે ક્યારેક સાંભળીને વિશ્વાસ કરવો પણ મુશ્કેલ બની જતો હોય છેકે શું ખરેખર આવુ બની શકે.
જી હા, તમને સાંભળીને થોડુ અજીબ લાગશે કે 12 વર્ષની ઉંમર બાદ છોકરી બની જાય છે છોકરો, પણ આ સત્ય હકીકત છે. ડૉમિનિકન ગણ રાજ્યના દક્ષિણ પશ્ચિમના ગામ સાલિનાસમાં 12 વર્ષની ઉંમર બાદ છોકરી, છોકરો બની જાય છે.
આ વાતનો સૌ પ્રથમ ખુલાસો બીબીસીની વિજ્ઞાન શ્રેણી " કાઉન્ટડાઉન ટુ લાઇફ- ધ એકસ્ટ્રાઓર્ડીનરી મેકીંગ ઓફ યુ"માં કરવામાં આવ્યો હતો. અને ત્યારબાદ આ આખીય વાત ટેલીગ્રાફ ડૉટ કો ડૉટ યુકેમાં પ્રકાશિત થઇ. આવો જાણીએ આ આખીય વાતને વિસ્તારથી......
વારસાગત ખામી
ટેલીગ્રાફ ડૉટ કો ડૉટ યુકેમાં પ્રકાશિત થયેલી આખીય વાતમાં જણાવવામાં આવ્યું છેકે બાળકોમાં આ પ્રકારનું ડેવલોપમેન્ટ વારસાગત ખામીના કારણે છે.
ગુએવેડોસેસ
સાલિનાસમાં જોવા મળતા આવા બાળકોને "ગુએવેડોસેસ" કહેવામાં આવે છે. જેનો અર્થ થાય છે, 12 વર્ષેની ઉંમરમાં લીંગ.
ગર્ભમાં વિકાસ નહીં
આવા બાળકો જ્યારે માતાના ગર્ભમાં હોય છે, ત્યારે તેમનામાં એક ઇંજાઇમની ખામી હોય છે, જેના કારણે આ બાળકોમાં મેલ ઓર્ગનનો વિકાસ નથી થતો. અને લોકોને લાગે છેકે ફિમેલ બાળક એટલે કે છોકરીનો જન્મ થયો છે.
12 વર્ષની ઉંમરે વિકાસ
પરંતુ આવા બાળકોની જ્યારે 12 વર્ષની ઉંમર થાય છે, ત્યારે તેમનામાં પુરૂષ સેક્સ હોર્મોન-ડિહાઇડ્રો ટેસ્ટોસટેરોન ડેવલપ થાય છે, જેને કારણે તે બાળકમાં મેલ ઓર્ગનનું ડેવલોપમેન્ટ થાય છે.
પોષણ
આવા બાળકોને જે પોષણ માતાના ગર્ભમાં મળવુ જોઇએ તે પોષણ 12 વર્ષની ઉંમરે મળતા તેમનામાં આ વિચિત્ર પ્રક્રિયા જોવા મળે છે.
નોર્મલ જીવન
જો કે આવા બાળકો સંપૂર્ણ રીતે સ્વસ્થ્ય જીવન જીવે છે. લગ્ન કર્યા બાદ બાળકો પેદા કરવામાં પણ કોઇ સમસ્યા નથી નડતી.