લોકોને ફસાવવા કંપનીઓ દ્વારા વપરાતી લવ બોમ્બિંગ ટેકનિક શું છે? જાણો કેવી રીતે લોકોને જાળમાં ફસાવે છે?
સામાન્ય સ્થિતીમાં લોકો નોકરી માટે કોઈપણ કંપનીમાં એપ્લાય કરે છે અને કંપની તે વ્યક્તિની એપ્લીકેશનને જોઈને તેને સંપર્ક કરે છે. ત્યારબાદ પ્રક્રિયા બાદ જોબ મળે છે. જો કે હવે કંપનીઓ એક અલગ રીતે લોકોને ફસાવી રહી છે. કંપનીઓ લવ બોમ્બિંગ કરીને લોકોને પોતાની જાળમાં ફસાવી રહી છે.
તમને જાણીને નવાઈ લાગશે કે લવ બોમ્બિંગ કોઈ રિલેશનશીપ કે રોમાન્સ પુરતો મર્યાદિત નથી. હવે લોકોને નોકરીઓમાં પણ આનો સામનો કરવો પડી રહ્યો છે. કેટલીક કંપનીઓને તેમની રેપ્યુટેશનને કારણે સારા કર્મચારીઓ મળતા નથી ત્યારે તે કંપની લવ બોમ્બિંગનો સહારો લે છે.
આવી કંપનીમાં નોકરી માટે કંપની તમને કંપનીના કામ સાથે સંકળાયેલી વાતો સમજાવવાને બદલે સતત કંપનીના વખાણ કરે છે. આમ કરીને કંપની જે તે વ્યક્તિને જોબ માટે ફસાવે છે.
અહેવાલો અનુસાર, આ કંઈક એવી રીતે શરૂ થાય છે જેવી રીતે રિલેશનશીપની શરૂઆતમાં બન્ને પાર્ટનર પોતાની સારી વાતો જ જણાવવાનો પ્રયાસ કરે. કંપનીના ભરતી કરનારા ઉમેદવારોને તેમની ખામીઓ અથવા નબળાઈઓને બદલે મજબૂત અને પોઝિટીવ ચિત્ર રજુ કરે છે. કંપનીઓ એચઆરને પણ આમ કરવા દબાણ કરે છે. જો કે ઘણી વખત એચઆર પણ આનાથી અજાણ હોય છે.
ઘણી વખત આવી કંપનીઓમાં ભરતી કરનારા આશાવાદી હોય છે અને તે ઈચ્છે છે કે ઉમેદવાર નોકરી મેળવે અને તેમાં ખુશ રહે. જો કે, ક્યારેક લવ બોમ્બિંગ જેવા વર્તન પાછળ અન્ય કારણો હોઈ શકે છે.
ભરતી કરનાર પોતાના ફાયદા માટે ઉમેદવારો સાથે અતિશયોક્તિ કરી શકે છે અને વાત કરી શકે છે. તેનું તમામ નુકસાન ઉમેદવારે ભોગવવું પડે છે. લવ બોમ્બિંગ અને તેનાથી થતા નુકસાનથી બચવાની રીત એ છે કે ઉમેદવારે સાવચેત રહેવું જોઈએ.
Click it and Unblock the Notifications
Sign in with Google
