કેન્દ્રીય કર્મચારીઓને મળશે મોટી ભેટ, DA અને ફિટમેન્ટ ફેક્ટરમાં વધારાથી થશે પગારમાં અધધ વધારો
7th pay commission : કેન્દ્ર સરકારના કર્મચારીઓને ટૂંક સમયમાં સારા સમાચાર મળી શકે છે. કેન્દ્ર સરકાર દ્વારા 7મા પગારપંચની ભલામણ પર મોંઘવારી ભથ્થું અને ફિટમેન્ટ ફેક્ટરમાં વધારાની જાહેરાત કરી શકે છે. જોકે, આ બાબાતે અત્યાર સુધીમાં કોઇ સત્તાવાર જાહેરાત કરવામાં આવી નથી.
ઘણા મીડિયા અહેવાલોમાં જણાવ્યા અનુસાર, ફિટમેન્ટ ફેક્ટરમાં વધારા બાદ, સરકારી કર્મચારીઓનો લઘુત્તમ પગાર કેન્દ્ર સરકારના કર્મચારીઓ માટે 18,000 રૂપિયાથી વધીને 26,000 રૂપિયા થવાની ધારણા છે.
ઉલ્લેખનીય છે કે, કેન્દ્ર સરકારના કર્મચારીઓ માટે મોંઘવારી ભથ્થું (DA) અગાઉ 2001ના આધાર વર્ષ સાથે કન્ઝ્યુમર પ્રાઇસ ઇન્ડેક્સ (AICPI)ના આધારે ગણવામાં આવતું હતું, પરંતુ સપ્ટેમ્બર 2020થી કેન્દ્ર સરકારે બેઝ યરમાં ફેરફાર કર્યો છે. મોંઘવારી ભથ્થાની ગણતરી. વર્ષ 2016 ના નવા ગ્રાહક ભાવ સૂચકાંક (AICPI) માં ફેરફાર અને અમલ કર્યો હતો.
DAમાં કેટલો વધારો થશે? - તાજેતરના ભૂતકાળમાં કેટલાક મીડિયા અહેવાલો દર્શાવે છે કે, સરકાર આ વર્ષે જુલાઈમાં મોંઘવારી ભથ્થામાં 4 ટકાનો વધારો કરી શકે છે. કેન્દ્ર સરકારના કર્મચારીઓ માટે વર્તમાન ડીએ 42 ટકા છે. જો તેમાં 4 ટકાનો વધારો થશે, તો તે 46 ટકા સુધી પહોંચી જશે. જેના કારણે કર્મચારીઓના પગારમાં મોટો ઉછાળો આવશે.
ફિટમેન્ટ ફેક્ટર સાથે બેઇઝિક પગાર વધશે - હાલમાં ફિટમેન્ટ ફેક્ટર હેઠળ કર્મચારીઓને 2.57 ગણા પ્રમાણે પગાર મળી રહ્યો છે. જોકે, તેને વધારવાની માંગ ઘણા સમયથી કરવામાં આવી રહી છે. હાલમાં લેવલ 1 પર બેઇઝિક પગાર 18000 રૂપિયા છે. તે માત્ર ફિટમેન્ટ ફેક્ટરના આધારે નક્કી કરવામાં આવ્યું હતું.
જો ફિટમેન્ટ ફેક્ટરમાં વધારો થશે, તો બેઇઝિક પગાર પણ વધશે. તેને 3 ગણો અથવા 3.67 ગણો વધારી શકાય છે. કર્મચારીઓનો ભાર ફિટમેન્ટ ફેક્ટરને 3.68 સુધી વધારવા પર છે. જો કેન્દ્ર આ માંગને સ્વીકારે છે, તો લઘુત્તમ વેતન 18,000 રૂપિયાથી વધીને 26,000 રૂપિયા થઈ જશે.
Click it and Unblock the Notifications
Sign in with Google
