7th Pay Commission: કેન્દ્રીય કર્મચારીઓનો પગાર ફરીથી વધશે, DAમાં 1 જુલાઈથી 3-4%ના વધારાની સંભાવના

7th Pay Commission: મીડિયા રિપોર્ટસ મુજબ 1 જુલાઈ, 2023થી શરુ થતા સમયગાળા માટે કેન્દ્ર સરકારના કર્મચારીઓના મોંઘવારી ભથ્થા કે ડીએમાં 3-4 ટકાના વધારાની સંભાવના છે.

તમને જણાવી દઈએ કે ડીએમાં છેલ્લુ રિવિઝલ ગયા મહિને 4 ટકા થયુ હતુ, જે 1 જાન્યુઆરી, 2023થી અમલી બન્યુ હતુ. આ વધારા પછી કેન્દ્રીય કર્મચારીઓનુ ડીએ વધીને 42 ટકા થયુ હતુ.

આ અગાઉ, સપ્ટેમ્બર, 2022માં ડીએમાં 4 ટકાનો વધારો કરવામાં આવ્યો હતો. જે જુલાઈ, 2022થી અમલી બન્યો હતો. હવે, 7મા પગાર પંચ માટે, DAમાં વધુ 3-4 ટકાનો વધારો થવાની સંભાવના છે, જે જુલાઈથી લાગુ થશે, અહેવાલો મુજબ. હાલમાં, લેટેસ્ટ ડેટા મુજબ, કેન્દ્ર સરકારના 47.58 લાખ કર્મચારીઓ અને 69.76 લાખ પેન્શનરો છે.

નોંધનીય છે કે DA અને DRમાં વર્ષમાં બે વાર - જાન્યુઆરી અને જુલાઈમાં સુધારો કરવામાં આવે છે. મોંઘવારી ભથ્થુ સરકારી કર્મચારીઓને આપવામાં આવે છે, જ્યારે મોંઘવારી રાહત પેન્શનરો માટે છે. કર્મચારીઓના મૂળભૂત પગારના આધારે કર્મચારીઓને ડીએ આપવામાં આવે છે, જ્યારે ડીઆર મૂળભૂત પેન્શનના આધારે આપવામાં આવે છે.

કર્મચારીઓ અને પેન્શનરોને વધતી કિંમતોની ભરપાઈ કરવા માટે ડીએ આપવામાં આવે છે. ઉલ્લેખનીય છે કે ઝારખંડ સરકારે ગુરુવારે તેના કર્મચારીઓ માટે મોંઘવારી ભથ્થુ 34 ટકાથી વધારીને 42 ટકા કર્યુ છે. મુખ્યમંત્રી હેમંત સોરેનની અધ્યક્ષતામાં રાજ્ય કેબિનેટની બેઠકમાં ડીએ દરમાં વધારો કરવાનો નિર્ણય લેવામાં આવ્યો હતો.

English summary

7th Pay Commission: Salaries of central employees will rise again, DA likely to increase by 3-4% from July 1