જાણો : કેવી ફિક્સ્ડ ડિપોઝિટ પર કેટલો TDS લાગશે?
ભારતમાં વિવિધ રોકાણના સાધનો પર ટેક્સ ડિડક્ટેડ ફ્રોમ સોર્સ (TDS - ટીડીએસ) અલગ અલગ હોય છે. ટીડીએસ બીજું કશું નહીં પણ સીધા તમારા આવકના સ્રોતમાંથી કપાતો ટેક્સ છે.જો આપની વ્યાજની આવક નિર્ધારિત મર્યાદા કરતા વધે તો આપને ટેક્સ ભરવો પડે છે. આ માટે એ જાણવું હિતાવહ રહેશે કે ટીડીએસ ક્યારે, કેટલો લાગે છે.
બેંક ફિક્સ્ડ ડિપોઝિટ
બેંક ડિપોઝિટના કિસ્સામાં વ્યાજની આવક રૂપિયા 10,000થી વધી જાય તો તેના પર 10 ટકા ટેક્સ લાગે છે. આ ઉપરાંત તેના પર 3 ટકાની એજ્યુકેશન સેસ પણ લાગે છે. આ કારણે ઉદાહરણ તરીકે આપે રૂપિયા 1.20 લાખની બેંક એફડી મુકી છે તો 10 ટકાના વ્યાજ તરીકે આપને વાર્ષિક રૂપિયા 12,000 વ્યાજ મળે છે. આ વ્યાજ પર 10.3 ટકા ટેક્સ લાગે છે એટલે કે 1260 રૂપિયા કર લાગતા આપના હાથમાં માત્ર રૂપિયા 10,740 રૂપિયા આવક આવે છે. જો આપની આવક કરપાત્ર ના થાય તો આપે બેંકમાં ફોર્મ 15H/15G જમા કરાવવું પડે છે.
કંપની ફિક્સ્ડ ડિપોઝિટ
કંપની ડિપોઝિટ પર વાર્ષિક રૂપિયા 5,000થી વધારે વ્યાજની આવક હોય તો ટેક્સ લાગે છે. જો આપની આવક કરપાત્ર ના થાય તો આપે બેંકમાં ફોર્મ 15H/15G જમા કરાવવું પડે છે.
એનસીડી પર ટીડીએસ
નોન કન્વર્ટિબલ ડિબેન્ચર્સ અથવા એનસીડીમાં કંપની અને બેંક ડિપોઝિટ કરતા ઊંચો વ્યાજદર મળે છે. તેના વ્યાજ પર મળતી આવક કરપાત્ર છે અને ટીડીએસ કપાય છે.
કોર્પોરેટ્સ
વ્યક્તિઓ બાદ કોર્પોરેટ ક્ષેત્રમાં પણ ટીડીએસ લાગુ પડે છે. કોર્પોરેટને એજ્યુકેશન સેસ સાથે 20.3 ટકા ટેક્સ લાગે છે.
Click it and Unblock the Notifications
Sign in with Google
