Adani Group share Crash : અમેરિકામાં ભ્રષ્ટાચારના આરોપોને પગલે અદાણીના શેરમાં લોઅર સર્કિટ લાગી
Gautam Adani Share's Crash : ભારતના સૌથી ભ્રષ્ટ ઉદ્યોગપતિ હોવાનો આરોપ લાગી રહ્યો છે તે ગૌતમ અદાણીને અમેરિકાએ પણ ભ્રષ્ટાચારી કહ્યાં છે.
એક કેસમાં અમેરિકાની કોર્ટે અદાણી વિરૂદ્ધ ધરપકડ વોરંટ જારી કર્યુ છે. આને પગલે અદાણી સાથે જોડાયેલા તમામ શેર ક્રેશ થયા છે.
ગૌતમ અદાણી પર અમેરિકામાં છેતરપિંડી અને લાંચ આપવાનો આરોપો લાગ્યા છે. આ આરોપો પર અદાણી એન્ટરપ્રાઈઝના શેરમાં 20 ટકાનો ઘટાડો જોવા મળ્યો છે. અદાણી એન્ટરપ્રાઈઝનો શેર 564 પોઈન્ટ ઘટીને 2257.15 પર પહોંચ્યો છે.
અદાણી એન્ટરપ્રાઈઝના શેરમાં 20 ટકાના ઘટાડા બાદ લોઅર સર્કિટ લાગી છે. આ સિવાય અદાણી ગ્રૂપ સાથે સંકળાયેલી તમામ કંપનીના શેર ખરાબ હાલતમાં છે.
અદાણી સોલ્યુશન, અદાણી પાવર, અદાણી ગ્રીન, અદાણી પોર્ટ સહિતના તમામ શેર 15 ટકાથી વધુ ઘટ્યા છે. અમેરિકામાં જે રીતે ગૌતમ અદાણી વિશેના સમાચાર આવ્યા છે તે બાદ શેરમાં જોરદાર વેચવાલી જોવા મળી છે.
અદાણી પાવરના શેરમાં પણ 13 ટકાનો ઘટાડો જોવા મળ્યો છે. અદાણી પાવરનો શેર 68 પોઈન્ટના ઘટાડા સાથે 454 પર ટ્રેડ કરી રહ્યો છે. અદાણી સોલ્યુશનના શેરમાં 19.99 ટકાનો ઘટાડો જોવા મળ્યો છે અને લોઅર સર્કિટ લાગી છે. આ શેર 697 પર ટ્રેડ થઈ રહ્યો છે.
અદાણી પોર્ટના શેરની વાત કરીએ તો તે 20 ટકાના ઘટાડા સાથે લોઅર સર્કિટ પર છે. આ શેર 257 પોઈન્ટના ઘટાડા સાથે 1031.70 પર ટ્રેડ કરી રહ્યો છે. અદાણી ગ્રીનના શેરમાં 19 ટકાનો ઘટાડો જોવા મળ્યો છે. આ સ્ટૉક 266 પૉઇન્ટના ઘટાડા સાથે 1145 પર ટ્રેડ કરી રહ્યો છે.
શેરબજારમાં આજે ઘટાડો જોવા મળી રહ્યો છે. સેન્સેક્સ 522.80 પોઈન્ટ ઘટીને 77,055.58 પર પહોંચ્યો હતો, જે 0.67 ટકાનો ઘટાડો દર્શાવે છે. નિફ્ટીમાં 200.30 પોઇન્ટનો ઘટાડો જોવા મળ્યો છે, જે 23,318.20 પર બંધ રહ્યો અને 0.85 ટકાનો જોવા મળ્યો.
Click it and Unblock the Notifications
Sign in with Google
