એર ઇન્ડિયા આ સપ્તાહથી ચેક ઇન બેગેજ ચાર્જ વધારશે

મુંબઈ, 7 મે : એર ઇન્ડિયાની ડોમેસ્ટિક ફ્લાઇટ્સમાં મુસાફરી કરનારા પ્રવાસીઓ માટે કદાચ આ સપ્તાહથી મુસાફરી થોડી વધારે મોંઘી બને એવા સંકેતો એર ઇન્ડિયાએ આપ્યા છે. એર ઈન્ડિયા ચેક ઈન બેગેજ માટે ટૂંક સમયમાં જ નવો ચાર્જ વસુલ કરવાની છે. આ નવી પદ્ધતિ આવતા ત્રણ ચાર દિવસોમાં અમલમાં આવે એવી શક્યતાઓ છે.

નવી પદ્ધતિ હેઠળ, પેસેન્જરોને 15 કિલોગ્રામ ચેક ઈન બેગેજ ફ્રી લઈ જવા દેવામાં આવશે. હાલ આ લિમિટ 20 કિલોગ્રામની છે. લિમિટ પૂરી થયા પછીના પ્રત્યેક વધારાના પાંચ કિલોગ્રામ વજન ઉપર પેસેન્જરોએ રૂપિયા 200થી 250 વધારાનો ચાર્જ ચૂકવવા પડશે.

આ ઉપરાંત સાત કિલોગ્રામ સુધીના હેન્ડ બેગેજ માટે કોઈ ચાર્જ નહીં લેવયા. આ ફેરફારો માત્ર ડોમેસ્ટિક ફ્લાઇટ રૂટ પર જ લાગુ રહેશે. તેમ છતાં, રીટર્ન ફ્લાય કરતા પેસેન્જરો, જેમને એરલાઈનની ફ્રીક્વન્ટ ફ્લાયર ક્લબના ગણવામાં આવે છે તેમને નવી પદ્ધતિ અમલમાં આવશે તે પછી પણ 20 કિલોગ્રામ ફ્રી બેગેજ લઈ જવાની પરવાનગી રહેશે. જો કે આ ફેરફારો કઇ તારીખથી અમલી બનશે તે અંગે કોઇ સ્પષ્ટતા કરવામાં આવી નથી.

English summary

Air India check in baggage charges increase this week