અનિલ અંબાણીની કંપનીઓ થઇ રહી કંગાળ, માત્ર 19 કરોડ રૂપિયા બચ્યા

એક તરફ જ્યાં મુકેશ અંબાણીની સંપત્તિ રોજ વધી રહી છે ત્યાં બીજી બાજુ તેમના ભાઈ અનિલ અંબાણીની કંપનીઓ કંગાળ થઇ રહી છે.

Published: Thursday, November 8, 2018, 15:14 [IST]

એક તરફ જ્યાં મુકેશ અંબાણીની સંપત્તિ રોજ વધી રહી છે ત્યાં બીજી બાજુ તેમના ભાઈ અનિલ અંબાણીની કંપનીઓ કંગાળ થઇ રહી છે. આ કંપની રિલાયન્સ ટેલિકોમ અને તેનો જ ભાગ રિલાયન્સ કોમ્યુનિકેશન લિમિટેડ છે. આ બંને કંપનીઓના કુલ 144 બેંક ખાતા છે. જેમાં રિલાયન્સ કોમ્યુનિકેશન લિમિટેડના કુલ 119 બેંક ખાતા છે અને આ ખાતાઓમાં કુલ 17.86 કરોડ રૂપિયા છે.

આ પણ વાંચો: રાફેલ: પત્રકારો અને મીડિયા હાઉસ સામે માનહાનિનો કેસ કરશે

રિલાયન્સ ટેલિકોમ

હવે જો રિલાયન્સ ટેલિકોમ વિશે વાત કરવામાં આવે તો તેના કુલ 25 ખાતા છે અને આ ખાતાઓમાં કંપનીના માત્ર 1.48 કરોડ રૂપિયા જ જમા છે. દિલ્હી હાઇકોર્ટમાં અમેરિકન ટાવર કોર્પોરેશન ઘ્વારા દાખલ કરવામાં આવેલા કેસમાં સુનાવણી દરમિયાન આ જાણકારી બંને કંપનીઓ ઘ્વારા જાતે આપવામાં આવી છે.

અમેરિકન ટાવર કોર્પોરેશન

ઇકોનોમિક્સ ટાઈમ્સ રિપોર્ટ અનુસાર અમેરિકન ટાવર કોર્પોરેશન કંપનીએ રિલાયન્સ કોમ્યુનિકેશન લિમિટેડ પર લગભગ 230 કરોડ રૂપિયાનું દેવું હોવાનો દાવો કર્યો છે. બંને કંપનીઓ ઘ્વારા ગયા મહિને જ અદાલતમાં તેના સંબંધિત એફેડેવિટ જમા કરાવ્યું હતું અને બેંક માહિતી આપવા માટે થોડો સમય માંગ્યો હતો.

રિલાયન્સ કોમ્યુનિકેશન

આપને જણાવી દઈએ કે ગયા વર્ષે જ રિલાયન્સ કોમ્યુનિકેશને ડિસેમ્બરમાં પોતાની વાયરલેસ સેવા બંધ કરી હતી. ઇકોનોમિક ટાઇમ્સના અહેવાલમાં, એવું નોંધાયું છે કે અમેરિકન ટાવર કોર્પોરેશને અનિલ અંબાણીના બંને કંપનીઓ અને સર્વિસ ટેક્સ મુક્તિ માટેની ફી સાથેના કરારમાં લગભગ 230 કરોડની માંગ કરી છે. કરારમાંથી બહાર નીકળવા માટે રિલાયન્સ કોમ્યુનિકેશન્સને હવે ફી ચૂકવવાની રહેશે.

Published On November 8, 2018