પહેલી જાન્યુઆરીથી શરૂ થશે કેશ ટ્રાન્સફર સ્કીમ : ચિદમ્બરમ

નવી દિલ્હી, 31 ડિસેમ્બર : કેન્દ્રીય નાણા પ્રધાન પી ચિદમ્બરમે સોમવારે જણાવ્યું હતું કે યુપીએ સરકારની મહત્વકાંક્ષી કેશ ટ્રાન્સફર સ્કીમ પ્રથમ તબક્કામાં 43 જિલ્લાઓમાં લાગુ કરવામાં આવશે. પહેલી જાન્યુઆરીથી 20 જિલ્લાઓમાં યોજનાનું અમલીકરણ શરૂ કરી દેવામાં આવશે.

કેન્દ્ર સરકારે સોમવારે ગરીબોની કલ્યાણ યોજનાઓ અને સબસિડીના નાણા સીધા તેમના આધાર કાર્ડ નંબર આધારિત બેંક એકાઉન્ટમાં જમા કરવાની યોજના 1 જાન્યુઆરી, 2013થી લાગુ કરવાની જાહેરાત કરી હતી. ત્યાર બાદ 1 ફેબ્રુઆરીથી આ યોજના અંતર્ગત બીજા 11 જિલ્લાઓને આવરી લેવામાં આવશે. સરકાર 1 માર્ચ, 2013થી બીજા 12 જિલ્લાઓમાં કેશ ફોર ટ્રાન્સફર યોજનાનું અમલીકરણ કરશે.

આ યોજના અંગે પી ચિદમ્બરમે જણાવ્યું કે અમે કેશ ટ્રાન્ફર યોજના પહેલી જાન્યુઆરી, 2013થી અમલી બનાવવા માટે દ્રઢ નિશ્ચયી હતા. પ્રથમ તબક્કામાં 43 જિલ્લાઓમાં તેનો અમલ કરાશે. આ યોજના અંગે માહિતી અને પ્રસારણ મંત્રી મનીષ તિવારીએ જણાવ્યું કે આ યોજનાથી લોકોને વાસ્તવમાં સીધો લાભ મળી શકશે.

કેન્દ્રની યુપીએ સરકાર એક વર્ષમાં સમગ્ર દેશમાં તેને અમલી બનાવવા માંગે છે. નાણા મંત્રાલયને વિશ્વાસ છે કે નાના મોટા વિલંબ સાથે આ યોજના વર્ષ 2013ના અંત સુધીમાં સમગ્ર દેશમાં અમલી બની જશે.

English summary

Cash Transfer Scheme will commence from 1 January: Chidambaram