For Quick Alerts
ALLOW NOTIFICATIONS  
For Daily Alerts
Oneindia App Download

એક જ વાર સ્પેક્ટ્રમ ફી લેવાની તરફેણમાં સરકાર

|
Google Oneindia Gujarati News

telecom
નવી દિલ્હી : ટેલિકોમ વિભાગ (ડૉટ) 6.2 મેગાહર્ટ્સ કે તેથી વધારે મોટું સ્પેક્ટ્રમ ધરાવતા જુના મોબાઇલ ઓપરેટર્સ માટે એક જ સમયે ચાર્જ દર વસૂલ કરવાની તરફેણમાં છે.

નાણા પ્રધાન પી ચિદમ્બરમની અધ્યક્ષતામાં 3 ઑક્ટોબરે મળેલી મંત્રીમંડળની બેઠકમાં ટેલિકોમ વિભાગે રજૂઆત કરી હતી કે વર્તમાનમાં જે કંપનીઓ છે તેઓ 6.2 મેગાહર્ટ્ઝથી વધારે સ્પેક્ટ્રમનો ઉપયોગ કરી રહી છે તેમની ઉપર એક જ વાર સ્પેક્ટ્રમ ફી વસૂલ કરવામાં આવવી જોઇએ. આમ કરવામાં આવશે તો સરકારને ઓછામાં ઓછા રૂપિયા 22,640 કરોડ મળી શકે છે.

ટેલિકોમ વિભાગે મંત્રીમંડળ સમક્ષ ત્રણ વિકલ્પ રજૂ કર્યા છે. જેમાં કહેવાયું છે કે મંત્રીમંડળ કોઇ પણ વિકલ્પ અપનાવે પણ સ્પેક્ટ્રમ માટે એક જ વારમાં સંપૂર્ણ ફી વસૂલ કરવામાં આવે. ટેલિકોમ વિભાગના જણાવ્યા અનુસાર જો તે વર્તમાન કંપનીઓ પાસેથી એક જ વારમાં સંપૂર્ણ ફી વસૂલ કરવાનો નિર્ણય લેશે તો સરકારને 72792 કરોડ રૂપિયા મળશે.

જો 4.4 મેગાહર્ટ્ઝથી વધારે સ્પેક્ટ્રમ માટે ફી વસૂલ કરવામાં આવે તો તેનાથી 27517 કોરોડ રૂપિયા પ્રાપ્ત કરશે. જો ત્રીજા વિકલ્પ એટલે કે 6.2 મેગાહર્ટ્ઝથી વધારે મોટા સ્પેક્ટ્રમ માટે ફી વસૂલ કરવામાં આવશે તો સરકારને 22640 કરોડ રૂપિયા પ્રાપ્ત થશે.

ટેલિકોમ વિભાગે તમામ કંપનીઓને સમાન અવસર આપવા માટે વર્તમાન કંપનીઓ પાસેથી ફી વસૂલ કરવાની દરખાસ્ત રજૂ કરી છે. વર્તમાન ટેલિકોમ કંપનીઓને દેશભરમાં સેવા આપવા માટે રૂપિયા 1658 કરોડમાં સ્પેક્ટ્રમ આપવામાં આવ્યું હતું. હવે નવી કંપનીઓને દેશભરમાં સેવા આપવા માટે સ્પેક્ટ્રમ રૂપિયા 14000 કરોડમાં આપવામાં આવશે. આ મુદ્દે 8 ઑક્ટોબર, 2012ના રોજ મળનારી મંત્રીમંડળની બેઠકમાં અંતિમ નિર્ણય લેવામાં આવશે.

English summary
The DoT has recommended one time charge on old mobile operators, who have a large spectrum of 6.2 MHz or more.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X