LPG Price: 1 જુલાઈએ અપડેટ થયા એલપીજી સિલિન્ડરના ભાવ, અહીં જાણો વધ્યા કે ઘટ્યા?

LPG Price: રાંધણ ગેસના ભાવ 1 જુલાઈના રોજ અપડેટ કરવામાં આવ્યા છે. ઈન્ડિયન ઑઈલની વેબસાઈટ મુજબ ઘરેલુ અને કૉમર્શિયલ એલપીજી સિલિન્ડરના ભાવોમાં કોઈ ફેરફાર કરવામાં આવ્યો નથી.

દેશની રાજધાની દિલ્હીમાં ઘરેલુ એલપીજી સિલિન્ડરની કિંમત 1103 રૂપિયા છે, જ્યારે કોમર્શિયલ ગેસ સિલિન્ડર 1773 રૂપિયા પર છે. ભોપાલમાં તેની કિંમત 1108.50 રૂપિયા છે, જ્યારે ઇન્દોરમાં તે 1131 રૂપિયા છે.

તમને જણાવી દઈએ કે જૂન મહિનામાં કોમર્શિયલ ગેસ સિલિન્ડરની કિંમતમાં રૂ.83નો ઘટાડો કરવામાં આવ્યો હતો. તે જ સમયે, મે મહિનામાં, કિંમતોમાં 172 રૂપિયાનો ઘટાડો થયો હતો.

નોંધનીય છે કે એલપીજી સિલિન્ડરના ભાવ છેલ્લે 6 જુલાઈ, 2022ના રોજ વધ્યા હતા. ત્યારે એલપીજી સિલિન્ડરના ભાવ 1053 રુપિયા હતા, જેમાં 50 રુપિયાનો વધારો થયા બાદ સિલિન્ડરના ભાવ 1103 રુપિયા થઈ ગયા હતા. છેલ્લા એક વર્ષથી સિલિન્ડરના ભાવ સ્થિર છે.

કૉમર્શિયલ સિલિન્ડરના ભાવમાં સતત ચડાવ-ઉતાર જોવા મળ્યો છે. જાન્યુઆરી-ફેબ્રુઆરીમાં દિલ્હીમાં કોમર્શિયલ ગેસ સિલિન્ડરની કિંમત 1769 હતી, પછી માર્ચમાં તેની કિંમત વધીને 2119 રૂપિયા પર પહોંચી ગઈ. ત્યાર બાદ એપ્રિલ-મેમાં કોમર્શિયલ ગેસ સિલિન્ડરની કિંમત 2028 રૂપિયા અને 1856 રૂપિયા પર રહ્યા.

જો તમે કોઈ પણ શહેરમાં ગેસ સિલિન્ડની કિંમત જાણવા માંગતા હોય તો સરકારી ઓઈલ કંપનીની અધિકૃત વેબસાઈટ પર જઈને ચેક કરી શકો છો. આના માટે તમારે આઈઓસીએલ(IOCL)ની વેબસાઈટ cx.indianoil.in/webcenter/portal/Customer/pages_productprice પર જાવ. ત્યારબાદ વેબસાઈટ પર રાજ્ય, જિલ્લો અને ડિસ્ટ્રીબ્યુટર સિલેક્ટ કરો અને પછી સર્ચ પર ક્લિક કરો. ત્યારબાદ ગેસ સિલિન્ડના ભાવ તમને જોવા મળી જશે.

English summary

LPG cylinder prices updated on July 1, know domestic and commercial price update here.