રેલવે કર્મચારીઓને મોદી સરકારે આપી દિવાળી ગિફ્ટ, 78 દિવસનુ બોનસ આપવાનુ એલાન

કેન્દ્રની મોદી સરકારે ભારતીય રેલવેના કર્મચારીઓ માટે 78 દિવસના બોનસનુ એલાન કર્યુ છે. કેન્દ્રીય કેબિનેટની બેઠકમાં આ બોનસની ઘોષણા કરવામાં આવી છે જેની માહિતી કેન્દ્રીય મંત્રી અનુરાગ ઠાકુરે આપી છે. કેબિનેટની બેઠક બાદ કેન્દ્રીય મંત્રી અનુરાગ ઠાકુરે પ્રેસ કૉન્ફરન્સ કરીને જણાવ્યુ કે રેલવે કર્મચારીઓને 78 દિવસનુ બોનસ ટૂંક સમયમાં આપવામાં આવશે. રેલવે કર્મચારીઓ માટે આ બોનસ મહત્તમ 17951 રુપિયા હશે.

તમને જણાવી દઈએ કે રેલવેએ ગયા વર્ષે તેના રેલવે કર્મચારીઓને 78 દિવસનુ બોનસ આપ્યુ હતુ. રેલવે કર્મચારીને 30 દિવસના હિસાબે 7000 રૂપિયાનુ બોનસ થાય છે. આમ, તે કર્મચારીને 78 દિવસ માટે લગભગ 17,951 રૂપિયાનુ બોનસ મળશે. આ સાથે ઓઈલ માર્કેટિંગ કંપનીઓ માટે એક વખતની ગ્રાન્ટ મંજૂર કરવામાં આવી છે. કેન્દ્રીય મંત્રીએ કહ્યુ કે સમગ્ર વિશ્વમાં એલપીજીની કિંમતો વધી રહી છે. જાહેર ક્ષેત્રના ઉપક્રમોની ઓઇલ માર્કેટિંગ કંપનીઓને રૂ. 22,000 કરોડની એક વખતની ગ્રાન્ટ આપવામાં આવી છે જેથી કરીને વધતી કિંમતોનો બોજ સામાન્ય લોકો પર ન પડે.

Productivity linked bonus of Rs 1,832 crores will be given to 11.27 lakh employees of railways. It will be a bonus of 78 days and Rs 17,951 will be its maximum limit: Union Minister Anurag Thakur pic.twitter.com/lBu3GJj7w1

— ANI (@ANI) October 12, 2022

English summary

Modi cabinet announced Diwali Bonus for Indian Railways employees, Productivity linked bonus for 11.27 lakh employees of railways.