Paytm Payment Bank : પેટીએમે તેના નોડલ એકાઉન્ટને એક્સિસ બેંકમાં શિફ્ટ કર્યુ, જાણો તેનાથી કસ્ટમરને શું ફાયદો થશ
Paytm પેમેન્ટ્સ બેંકે વેપારી ચૂકવણીની પતાવટ માટે ખાનગી ક્ષેત્રની એક્સિસ બેંક સાથે કરાર પર હસ્તાક્ષર કર્યા છે.
કંપનીએ કહ્યું કે, તેણે એસ્ક્રો એકાઉન્ટ ખોલ્યું છે અને તેનું નોડલ એકાઉન્ટ એક્સિસ બેંકમાં શિફ્ટ કર્યું છે, જેથી વેપારી ભાગીદારોને સીમલેસ રીતે ચૂકવણી કરી શકાય.
Paytm એ સ્ટોક એક્સચેન્જમાં ફાઈલ કરાયેલ રેગ્યુલેટરી ફાઈલિંગમાં આ જાણકારી આપી છે. કંપનીએ કહ્યું કે પેરન્ટ કંપની One97 કોમ્યુનિકેશન્સે તેનું નોડલ એકાઉન્ટ એક્સિસ બેંકમાં શિફ્ટ કર્યું છે.
One97 કોમ્યુનિકેશન્સે જણાવ્યું કે, Paytm QR, સાઉન્ડબોક્સ અને કાર્ડ મશીન તમામ વેપારી ભાગીદારો માટે એકીકૃત રીતે કામ કરવાનું ચાલુ રાખશે. RBI એ કહ્યું છે કે Paytm QR, સાઉન્ડબોક્સ અને કાર્ડ મશીન 15 માર્ચ 2024 પછી પણ કામ કરવાનું ચાલુ રાખશે.
Paytm પ્રવક્તાએ જણાવ્યુ કે, નિયમનકારી માર્ગદર્શિકા અને અનુપાલનને ધ્યાનમાં રાખીને અમે અમારા વેપારી ભાગીદારોને સીમલેસ રીતે સેવાઓ પ્રદાન કરવા માટે સંપૂર્ણપણે સમર્પિત છીએ. અમે અમારા વપરાશકર્તાઓને ખાતરી આપવા માંગીએ છીએ કે Paytm એપ્લિકેશન અને અમારા ઉપકરણો Paytm QR, સાઉન્ડબોક્સ અને કાર્ડ મશીન કામ કરવાનું ચાલુ રાખશે.
આ પહેલા ભારતીય રિઝર્વ બેંકે પેટીએમ પેમેન્ટ બેંકને મોટી રાહત આપી છે. RBI દ્વારા Paytm પર 29 ફેબ્રુઆરી 2024થી લાદવામાં આવેલા નિયંત્રણોને 15 માર્ચ 2024 સુધી લંબાવવામાં આવ્યા છે. ગ્રાહકો અને દુકાનદારોના હિતોને ધ્યાનમાં રાખીને ભારતીય રિઝર્વ બેંકે તેના જૂના આદેશમાં સુધારો કર્યો છે, જેથી પેટીએમ પેમેન્ટ બેંકને વૈકલ્પિક વ્યવસ્થા કરવા માટે થોડો વધુ સમય આપવામાં આવે.
પેટીએમ ગ્રાહકોના મનમાં ઉદ્ભવતી શંકાઓને દૂર કરવા માટે આરબીઆઈએ પેટીએમ પેમેન્ટ બેંકને લગતા FAQ પણ જારી કર્યા છે.
Click it and Unblock the Notifications
Sign in with Google
