ભારતની સરખામણીમાં નેપાળ-પાકિસ્તાનમાં આ છે પેટ્રોલનો ભાવ

કર્ણાટકની ચૂંટણી બાદ જે રીતે દેશમાં પેટ્રોલ, ડીઝલના ભાવ વધી રહ્યા છે, તે ચિંતાનો વિષય છે. પેટ્રોલના વધતા ભાવથી લોકો પરેશાન છે, તો ડીઝલના ભાવ ખેડૂતો અને ટ્રાન્સપોટર્સને મુશ્કેલીમાં મૂકી રહ્યા છે.

Updated: Wednesday, May 23, 2018, 11:00 [IST]

કર્ણાટકની ચૂંટણી બાદ જે રીતે દેશમાં પેટ્રોલ, ડીઝલના ભાવ વધી રહ્યા છે, તે ચિંતાનો વિષય છે. પેટ્રોલના વધતા ભાવથી લોકો પરેશાન છે, તો ડીઝલના ભાવ ખેડૂતો અને ટ્રાન્સપોટર્સને મુશ્કેલીમાં મૂકી રહ્યા છે. દિલ્હીમાં એક લિટર પેટ્રોલનો ભાવ 76.87 રૂપિયા થઈ ચૂક્યો છે, તો મુંબઈમાં ભાવ 84.70 પૈસા પહોંચી ચૂક્યો છે. આ ઉપરાંત ભોપાલ અને બિહારમાં પણ પેટ્રોલ 80ને પાર છે. ભોપાલમાં પેટ્રોલનો ભાવ 82.47 રૂપિયા અને બિહારમાં 82.35 રૂપિયા પ્રતિ લિટર છે.

આ દરમિયાન એ વાત જોરશોરથી ચર્ચાઈ રહી છે કે આંતરરાષ્ટ્રીય બજારમાં ક્રૂડ ઓઈલના વધતા ભાવની અસર ફક્ત ભારત પર પડી રહી છે કે પછી પાડોશી દેશને પણ આ મુશ્કેલી સતાવી રહી છે. તો જુઓ પાકિસ્તાન, નેપાળ, બાંગ્લાદેશ, શ્રીલંકામાં પેટ્રોલનો ભાવ ભારત કરતા વધારે છે કે પછી ઓછો ?

નેપાળમાં શું છે હાલ ?

સૌથી પહેલા નજર કરીએ નેપાળમાં પેટ્રોલ ડીઝલના ભાવ પર. ભારતની સરખામણીએ નેપાળમાં ડીઝલ અને પેટ્રોલ બંનેના ભાવ ઘણા વધારે છે

નેપાળમાં ડીઝલ-પેટ્રોલનો ભાવ (22-05-2018)
ડીઝલ- 90.50 નેપાળી રૂપિયા પ્રતિ લિટર
પેટ્રોલ- 108.50 નેપાળી રૂપિયા પ્રતિ લિટર

બાંગ્લાદેશમાં ડીઝલ અને પેટ્રોલના ભાવ

નેપાળ બાદ જોઈએ બાંગ્લાદેશમાં પેટ્રોલ-ડીઝલના ભાવ ભારત કરતા વધારે છે કે પછી ઓછા છે. આશ્ચર્યજનક વાત એ છે કે બાંગ્લાદેશમાં છેલ્લા 2 વર્ષથી પેટ્રોલ અને ડીઝલના ભાવ વધ્યા જ નથી. બાંગ્લાદેશ પેટ્રોલિયમ કોર્પોરેશનની વેબસાઈટ અનુસાર પેટ્રોલ ડીઝલના ભાવ છેલ્લે 24 એપ્રિલ 2016માં બદલાયા હતા

બાંગ્લાદેશમાં ડીઝલ અને પેટ્રોલનો ભાવ (22-05-2018)
ડીઝલ- 65 ટકા પ્રતિ લિટર (હાઈસ્પીડ ડીઝલ)
પેટ્રોલ- 89 ટકા પ્રતિ લિટર (હાઈ ઑક્ટોન) 86.00 ટકા પ્રતિ લિટર (સામાન્ય પેટ્રોલ)

શ્રીલંકામાં ડીઝલ અને પેટ્રોલના ભાવ

બાંગ્લાદેશ બાદ જોઈએ શ્રીલંકામાં શું સ્થિતિ છે. શ્રીલંકામાં પેટ્રોલ અને ડીઝલના ભાવ ભારત કરતા ખૂબ જ વધારે છે. સિલોન પેટ્રોલિયમ કોર્પોરેશનની વેબસાઈટ પ્રમાણે શ્રીલંકામાં પેટ્રોલનો ભાવ 130 રૂપિયા કરતા પણ વધુ છે.

શ્રીલંકામાં ડીઝલ અને પેટ્રોલનો ભાવ (22-05-2018)
ડીઝલ- લંકા ઓટો ડીઝલ 109 શ્રીલંકન રૂપિયા પ્રતિ લિટર
લંકા સુપર ડીઝલ 4 સ્ટાર 119 શ્રીલંકન રૂપિયા પ્રતિ લિટર
પેટ્રોલ- લંકા પેટ્રોલ 92 ઓક્ટેન 137 શ્રીલંકન રૂપિયા પ્રતિ લિટર
લંકા પેટ્રોલ 95 ઓક્ટેન 148 શ્રીલંકન રૂપિયા પ્રતિ લિટર

પાકિસ્તાનમાં ડીઝલ અને પેટ્રોલનો ભાવ

પાકિસ્તાન અને ભારતના પેટ્રોલ અને ડીઝલના ભાવને લઈ ખૂબ જ સરખામણી થાય છે. જોઈએ પાડોશી દેશ પાકિસ્તાનમાં પેટ્રોલ-ડીઝલનો શુ ભાવ છે

પાકિસ્તાનમાં ડીઝલ અને પેટ્રોલનો ભાવ (22-05-2018)
ડીઝલ- 98.76 પાકિસ્તાની રૂપિયા પ્રતિ લિટર
પેટ્રોલ- 87.70 પાકિસ્તાની રૂપિયા પ્રતિ લિટર

કેન્દ્ર સરકાર પર ઓઈલના ભાવ ઓછા કરવાનું દબાણ

હવે જો સરખામણી કરીએ તો ભારતની સામે ફક્ત બાંગ્લાદેશમાં પેટ્રોલ ડીઝલના ભાવ સ્થિર છે. બાકી દેશોમાં ભારતની સરખામણીએ ભાવ વધુ છે. જો કે કેન્દ્ર સરકાર પર આ ભાવ ઓછા કરવાનું દબાણ છે, પરંતુ સરકાર ઓઈલ કંપનીઓની મનમાની સામે સાવ બેબસ છે.