Succuss Story: રાકેશ ઝુનઝુનવાલાએ રુ. 5000ના રોકાણથી શરુ કરીને બનાવી 48 હજાર કરોડની સંપત્તિ
Rakesh Jhunjunwala: શેર બજારના દિગ્ગજ રોકાણકારોમાંના એક એવા દિવંગત રાકેશ ઝુનઝુનવાલાનુ નામ સહુ કોઈ જાણતા હશે, જેમણે સ્ટૉક માર્કેટમાં રોકાણ કરીને 48,000 કરોડ સુધીની સંપત્તિ કમાઈ લીધી.
તમને જણાવી દઈએ કે રાકેશ ઝુનઝુનવાલાએ 5000 રુપિયાના રોકાણ સાથે શરુઆત કરી હતી અને તેમના મૃત્યુ સમયે તેમની સંપત્તિ અંદાજે 5.8 બિલિયન અમેરિકી ડૉલર હતી.
વર્ષ 1985થો રોકાણની શરુઆત કરીને 2022માં પોતાના મૃત્યુ સુધીમાં ઝુનઝુનવાલાએ 48 હજાર કરોડ રુપિયાથી વધુની સંપત્તિ કમાઈ લીધી હતી. આ સંપત્તિના કારણે તેઓ દુનિયાના 438માં સૌથી અમીર વ્યક્તિ બની ગયા હતા. આવો જાણીએ તેમણે આટલા પૈસા કેવી રીતે કમાયા.
રાકેશ ઝુનઝુનવાલાના પિતા ટેક્સ ઓફિસર હતા.પિતા પાસેથી શેર વિશે વાતો સાંભળીને શેરબજારમાં તેમનો રસ વધવા લાગ્યો. 1985માં ચાર્ટર્ડ એકાઉન્ટન્ટ બન્યા બાદ તેમણે શેરબજારમાં આવવાનું નક્કી કર્યું. જોકે, તેમના પિતાએ તેમને આ કામ માટે આર્થિક મદદ કરી ન હતી.
રાકેશ ઝુનઝુનવાલાએ પોતાની કમાણીથી શેરબજારમાં રોકાણ શરૂ કર્યું. તેમણે ટાટા ટી કંપનીના 5,000 શેર 43 રૂપિયામાં ખરીદ્યા અને 143 રૂપિયા પ્રતિ શેરના ભાવે વેચ્યા. આ રોકાણ સાથે તેમના પૈસા ત્રણ ગણા વધી ગયા. ટાટા ટી કંપનીના શેરમાંથી શેરબજારમાંથી પ્રથમ નફો મેળવ્યો.
1986 અને 1989ની વચ્ચે, રાકેશ ઝુનઝુનવાલાએ ટાટા પાવર લિમિટેડ સહિત બ્લુ-ચિપ કંપનીઓમાં મોટા પ્રમાણમાં રોકાણ કર્યું. આ રોકાણોને કારણે તેમની સંપત્તિ 20 લાખ રૂપિયાથી વધીને 50 લાખ રૂપિયાથી વધુ થઈ ગઈ છે. શેરબજારમાં 100 લોકોમાંથી માત્ર 2 ટકા લોકો જ સફળ થાય છે. બાકીના રોકાણકારોને બજારમાં ભારે નુકસાન થાય છે. આવા લોકોએ રાકેશ ઝુનઝુનવાલાની વાત ચોક્કસ સાંભળવી જોઈએ.
રાકેશ ઝુનઝુનવાલાએ રોકાણકારોને કહ્યું હતું કે એક દિવસના ઘટાડા કે એક ખરાબ ત્રિમાસિક પરિણામના આધારે કોઈ સ્ટૉક ખરીદી કે વેચી ના શકાય. તેઓ કંપનીના શેરમાં લાંબા ગાળાની કામગીરીના આધારે જ નાણાંનું રોકાણ કરે છે. તેઓ માનતા હતા કે શેરબજારમાં પૈસા લાંબા ગાળામાં જ બને છે, તેથી પરિપ્રેક્ષ્ય હંમેશા મોટો રાખવો જોઈએ. કોઈપણ કંપનીના શેરમાં રોકાણ કરતા પહેલા, વ્યક્તિએ તે કંપનીના વ્યવસાય અને સંભાવનાઓ વિશે યોગ્ય સંશોધન કરવું જોઈએ.
Click it and Unblock the Notifications
Sign in with Google
