Bank Holidays List: RBIની નવી હૉલિડે લિસ્ટ, જાણો 20થી 28 ફેબ્રૂઆરી ક્યાં અને કેમ બેંક રહેશે બંધ?

આ વખતે ફેબ્રુઆરી મહિનો 28 દિવસનો છે. અડધાથી વધુ દિવસ વીતી ગયા, હવે ફક્ત 9 દિવસ બાકી છે. જો તમે આ દિવસોમાં બેંક સંબંધિત કોઈ કામ કરવાનું વિચારી રહ્યા છો, તો તમારે RBI બેંકની રજાઓની યાદી ધ્યાનમાં રાખવાની જરૂર છે.

ખાસ વાત એ છે કે બાકીના 9 દિવસોમાંથી બેંકો 4 દિવસ બંધ રહેશે, પરંતુ આ રજાઓ બધા રાજ્યોમાં એક સાથે નહીં હોય.

ચાલો જાણીએ કે 20 ફેબ્રુઆરીથી 28 ફેબ્રુઆરી સુધી કઈ તારીખે અને કયા રાજ્યોમાં બેંકો બંધ રહેશે...

20 ફેબ્રુઆરી 2025 ના રોજ બેંકો ક્યાં અને શા માટે બંધ રહેશે?

• 20 ફેબ્રુઆરી, 2025ને ગુરવારના રોજ મિઝોરમ અને અરુણાચલ પ્રદેશમાં બેંકો બંધ રહેશે.
• કારણ: આ દિવસે મિઝોરમ અને અરુણાચલ પ્રદેશનો રાજ્ય સ્થાપના દિવસ ઉજવવામાં આવે છે.
• આઈઝોલ અને ઇટાનગરમાં સરકારી કચેરીઓ, બેંકો અને ઘણી સંસ્થાઓ બંધ રહેશે.
• આ પ્રસંગે સાંસ્કૃતિક કાર્યક્રમો, પરેડ અને સન્માન સમારોહનું આયોજન કરવામાં આવે છે.
• નેટ બેંકિંગ અને ડિજિટલ સેવાઓ ચાલુ રહેશે.
• બાકીના રાજ્યોમાં બેંકો ખુલ્લી રહેશે.

રાષ્ટ્રીય અને પ્રાદેશિક રજાઓ

• 19 ફેબ્રુઆરી 2025: બેલાપુર, મુંબઈ અને નાગપુર - છત્રપતિ શિવાજી મહારાજ જયંતીના કારણે બેંકો બંધ રહેશે.
• 20 ફેબ્રુઆરી, 2025: ઐઝોલ (મિઝોરમ) અને ઇટાનગર (અરુણાચલ પ્રદેશ) - રાજ્ય દિવસના કારણે બેંકો બંધ રહેશે.
• 26 ફેબ્રુઆરી, 2025: મહાશિવરાત્રી પર અમદાવાદ, ઐઝોલ, બેંગલુરુ, બેલાપુર, ભોપાલ, ભુવનેશ્વર, ચંદીગઢ, દેહરાદૂન, હૈદરાબાદ, જયપુર, જમ્મુ, કાનપુર, કોચી, લખનૌ, મુંબઈ, નાગપુર, રાયપુર, રાંચી, શિમલા, શ્રીનગર અને તિરુવનંતપુરમમાં બેંકો બંધ રહેશે.

ફેબ્રુઆરી 2025 માં બેંકો ક્યારે બંધ રહેશે?

• 19 ફેબ્રુઆરી (બુધવાર): છત્રપતિ શિવાજી મહારાજ જયંતિ - (બેલાપુર, મુંબઈ, નાગપુર)
• 20 ફેબ્રુઆરી (ગુરુવાર): રાજ્ય દિવસ - (મિઝોરમ, અરુણાચલ પ્રદેશ)
• 22 ફેબ્રુઆરી (શનિવાર): ચોથો શનિવાર - (બધા રાજ્યોમાં બેંકો બંધ)
• 23 ફેબ્રુઆરી (રવિવાર): સાપ્તાહિક રજા - (બધા રાજ્યોમાં બેંકો બંધ)
• 26 ફેબ્રુઆરી (બુધવાર): મહાશિવરાત્રી - (ઘણા રાજ્યોમાં બેંકો બંધ)
• 28 ફેબ્રુઆરી (શુક્રવાર): લોસાર (તિબેટીયન નવું વર્ષ)
• દર રવિવારે અને બીજા અને ચોથા શનિવારે બેંકો બંધ રહે છે.

શાખાઓ કાર્યરત રહેશે નહીં, પરંતુ તમે ઓનલાઈન બેંકિંગ અને ડિજિટલ ચુકવણી સુવિધાઓનો ઉપયોગ કરી શકો છો.
એટીએમ, યુપીઆઈ, ઈન્ટરનેટ બેંકિંગ અને મોબાઈલ બેંકિંગ સરળતાથી કાર્યરત રહેશે.
NEFT અને RTGS સેવાઓ પણ ચાલુ રહેશે.