રિલાયન્સ જીઓ આ વર્ષના અંતે 4જી સેવા શરૂ કરશે

મુંબઇ, 23 મે : રિલાયન્સ ઈન્ડસ્ટ્રીઝની ટેલિકોમ કંપની, રિલાયન્સ જિઓ ઈન્ફોકોમ વર્તમાન નાણાકીય વર્ષના અંત સુધીમાં મેટ્રો શહેરોમાં તેની 4G સેવાઓ શરૂ કરે એવી સંભાવનાઓ છે. કંપની તેની આ સેવા સામાન્ય ગ્રાહકોને પણ પરવડી શકે તેવી કિંમતે પૂરી પાડવા માંગે છે. આ સેવા પૂરી પાડવા માટે કંપની ઉત્તર, પૂર્વ અને ઉત્તર-પૂર્વમાં બે - ત્રણ વર્ષમાં અંદાજે રૂપિયા 7000 કરોડનું મૂડીરોકણ કરે તવી શક્‍યતા છે

રિલાયન્સ જિઓ ઈન્ફોકોમના બિઝનેસ હેડ (પૂર્વ ભારત) તરૂણ ઝુનઝુનવાલાના કહેવા મુજબ અમે અમારી આ સેવા સૌથી પહેલા કોલકાતામાં શરૂ કરવા માંગીએ છીએ. ત્યારબાદ દેશના અન્ય મેટ્રો શહેરો દિલ્હી, મુંબઈ અને જામનગરમાં એક સાથે સેવા શરૂ કરાશે. આ મહાનગરોમાં આ સેવા અમે 2014ના પહેલા ક્વાર્ટરમાં શરૂ કરીશું.

ઝુનઝુનવાલાએ કહ્યું છે કે અમે આ ટેક્નોલોજી અત્યંત પરવડી શકે એવી કિંમતે સામાન્ય લોકોનાં ઘર સુધી લઈ જવાના છીએ. તેમણે જો કે આ સર્વિસની કિંમતની વિગતો જણાવી નથી. કંપની તેની 4G સેવાઓ ગ્રાહકોને પરવડી શકે તેથી તેને સપોર્ટ કરે એવા ડિવાઈસીસ પણ આપશે. આ માટે તે ઉત્પાદકો સાથે મસલત કરી રહી છે. 4G સેવાઓ સ્માર્ટ ફોન, સ્માર્ટ ટેલિવિઝન, ઈન્ટરનેટ ડોંગલ્સ અને ટેબ્સ ઉપર ઉપલબ્ધ થાય એવી ધારણા છે.

English summary

Reliance Geo 4G service will launch this year end.