રોકાણકારોની સાચી સૂચિ સુપરત કરે સહારા: સુપ્રીમ કોર્ટ

Published: Monday, April 22, 2013, 18:05 [IST]

નવી દિલ્હી, 22 એપ્રિલ: સુપ્રીમ કોર્ટે સેબી દ્વારા દાખલ કરવામાં આવેલી તિરસ્કાર અરજીનો જવાબ નહીં આપવા બદલ સહારા ગ્રૂપ અને તેના માલિક સુબ્રોતો રોયને આડે હાથે લીધા. સુપ્રીમ કોર્ટમાં સેબી તરફથી દાખલ કરવામાં આવેલી અવમાનના અરજી પર સોમવારે થયેલી સુનવણીમાં સહારાને આદેશ આપવામાં આવ્યો છે કે તે રોકાણકારોની સાચી સૂચિ જમા કરાવે.

કોર્ટે સહારાને એક સપ્તાહનો સમય આપ્યો છે. ઉલ્લેખનીય છે કે સેબીએ કોર્ટમાં દાખલ કરવામાં આવેલી અરજીમાં સુબ્રોતો રોય સહારાની ધરપકડ કરવાની માંગ કરવામાં આવી હતી. આ મામલાની સુનવણી હવે પછી 2 મેના રોજ થવાની છે.

રોકાણકારોના 24000 કરોડ રૂપિયા નહીં ચૂકવવાના મામલામાં સેબીએ 15 માર્ચના રોજ સુપ્રીમ કોર્ટમાં અરજી આપી હતી. આ અરજીમાં સેબીએ સહારા પર દેશ છોડીને જવા પર પ્રતિબંધ લાદવાની માંગ કરી હતી. સહારાની 2 કંપનીયોને 3 કરોડ રોકાણકારોના રૂપિયા પરત કરવાના છે. સહારા સમૂહની બે કંપનીયોએ પોતાના રોકાણકારોને 24 કરોડ રૂપિયા પરત કરવાના આદેશનું પાલન ન્હોતું કર્યું.

Published On April 22, 2013