એરટેલ, વોડાફોન-આઈડિયા અને જિયોને 42000 કરોડની રાહત, સ્પેક્ટ્રમ પેમેન્ટ 2 વર્ષ માટે ટળ્યું

નવી દિલ્હીઃ નાણાકીય સંકટ સમે ઝઝૂમી રહેલ દૂરસંચાર કંપનીઓને કેન્દ્ર સરકારે મોટી રાહત આપી છે. કેબિનેટે સ્પેક્ટ્રમની ચૂકવણીને બે વર્ષ માટે ટાળવાના પ્રસ્તાવને મંજૂરી આપી દીધી છે. નાણાકીય વર્ષ 2020-21 અને 2021-22નું સ્પેક્ટ્રમ પેમેન્ટ ટાળવાથી ભારતી એરટેલ, વોડાફોન આઈડિયા અને રિલાયન્સ જિયોને 42000 કરોડ રૂપિયાની રાહત મળશે. જણાવી દઈએ કે કંપનીઓ સરકાર પાસેથી સતત રાહતની માંગણી કરી રહી હતી.

નાણામંત્રી નિર્મલા સીતારમણે મીટિંગમાં કરેલ નિર્ણયોની જાણકારી આપતા કહ્યું કે દૂરસંચાર કંપનીઓને થઈ રહેલ પરેશાનીને જોતા કેબિનેટે સ્પેક્ટ્રમ ઑક્શન સાથે જોડાયેલ ઈન્સ્ટોલમેન્ટની ચૂકવણી બે વર્ષ ટાળવાનો ફેસલો કર્યો છે.

સીતારમણે કહ્યું કે ડેફર્ડ સ્પેક્ટ્રમ પેમેન્ટને એક સરખા ઈએમઆઈમાં વહેંચવામાં આવશે અને હાલના સમયમાં કોઈ વધારો નહિ કરાય. નાણામંત્રીએ કહ્યું કે ટેલિકોમ કંપનીઓને ડેફર્ડ સ્પેક્ટ્રમ પેમેન્ટ પર નક્કી વ્યાજની ચુકવણી કરવાની રહેશે.

English summary

Rs. 45,000-Crore Relief For Vodafone, Airtel As Government Defers Dues