Gold Hallmark : બદલાયા સોના ખરીદ-વેચાણ સંબંધિત નિયમો, જાણો નવો ગોલ્ડ હોલમાર્ક

Gold Hallmark : એક એપ્રિલથી ઘણા નિયમો બદલાઇ થઇ ગયા છે. જેમાં સોનાની ખરીદ અને વેચાણ સાથે જોડાયેલા નિયમ પણ સામેલ છે. નવા નિયમો બાદ વગર હોલમાર્કવાળા કોઇપણ ઘરેણા બજારમાં વેચી શકાશે નહીં.

આ સાથે 1 એપ્રિલથી 6 અંકોવાળા હોલમાર્ક નિયમ પણ લાગૂ થઇ શકે છે. આ અહેવાલમાં જાણીશું કે, નવા નિયમની લોકો પર શું અસર થશે?

હોલમાર્ક વિના નહીં મળે સોનું

નવા નિયમ બાદ કોઈપણ દુકાનદાર હોલમાર્ક વગર સોનું વેચી શકશે નહીં. આમ કરવા બદલ તેને દંડ થઈ શકે છે. હોલમાર્ક એઆલ્ફાન્યુમેરિક કોડ છે, જે જ્વેલરીના દરેક ભાગ માટે અલગ હોય છે.

સામાન્ય લોકોને શું ફાયદો થશે?

આનાથી લોકો સાથે છેતરપિંડી કે ધોખાધડી થવાની શક્યતા ઘટી જશે. હોલમાર્ક સાથે લખવામાં આવશે કે, જ્વેલરીમાં કેટલા કેરેટ સોનુંસામેલ છે. આ યુનિક કોડ દ્વારા જ્વેલરીને ટ્રેસ કરવામાં સરળતા રહેશે.

નવા હોલમાર્ક

છ આંકડાનો હોલમાર્ક નંબર 2021માં સરકાર દ્વારા લાવવામાં આવ્યો હતો. ત્યારથી બજારમાં જૂના અને નવા બંને હોલમાર્ક ચાલતા હતા.નવા હોલમાર્કને ફરજિયાત બનાવવામાં આવ્યું છે. કારણ કે, તે જૂના કરતાં વધુ સુરક્ષિત છે.

સોનાના બિસ્કિટ અને સિક્કા પર લાગુ થશે

માત્ર સોનાના દાગીના પર જ નહીં, સોનાના બિસ્કિટ અને સિક્કા માટે પણ નવો હોલમાર્ક જાહેર કરવામાં આવશે. નવા હોલમાર્કનો હેતુસોનાની અધિકૃતતા દર્શાવવાનો છે.

જૂના સોનાનું શું થશે?

જો તમારી પાસે જૂનું સોનું છે, તો તમારે ચિંતા કરવાની જરૂર નથી. સરકાર દ્વારા સ્પષ્ટ કરવામાં આવ્યું છે કે, ગ્રાહકો જૂની હોલમાર્કવાળીજ્વેલરી સરળતાથી વેચી શકે છે.

English summary

Rules related to buying and selling of changed gold, know the new gold hallmark