રૂપિયો 24 પૈસા મજબૂત થઈને 74.15 રૂપિયા પ્રતિ ડોલર પર ખુલ્યો

બુધવારે રૂપિયામાં મજબૂતીની શરૂઆત થઇ છે. ડોલર સામે રૂપિયો 24 પૈસા મજબૂત થઈને 74.15 રૂપિયા પ્રતિ ડોલર પર ખુલ્યો છે. જોવા જઇયે તો મંગળવારે રૂપિયો તેના સૌથી નીચલા સ્તરે બંધ થયો હતો. આપને જણાવી દઈએ કે મંગળવારે રૂપિયો 74.39 પર બંધ થયો હતો.

રૂપિયો ગગડવાનું કારણ

દુનિયાની બીજી કરન્સીના બાસ્કેટમાં ડોલરની મજબૂતી, આંતરરાષ્ટ્રીય બજારમાં તેલની કિંમતો પર વધારો અને વિદેશી રોકાણકારોના પૈસા કાઢવાના દબાણને કારણે રૂપિયો 74.34 પ્રતિ ડોલર પહોંચી ગયો હતો.

આ પણ વાંચો: વિકાસ કરી રહ્યું છે ભારત, વિકાસ દર 7.3 ટકા રહેવાનું અનુમાન: વર્લ્ડ બેંક

આપને જણાવી દઈએ કે આ વર્ષે રૂપિયો 15 ટકા સુધી ગગડી ગયો છે. ક્રૂડની કિંમત વધવાથી, ટ્રેડ વોર, કેડ વધવાની આશંકા, ડોલરમાં મજબૂતી, અને રાજનૈતિક અસ્થિરતાને કારણે રૂપિયા પર દબાણ સતત વધી રહ્યું છે. આવનારા દિવસોમાં પણ રૂપિયામાં સુધારો થાય તેવું નથી દેખાઈ રહ્યું.

આ પણ વાંચો: મોદી સરકારની સોલર એપથી આ રીતે કરો કમાણી

જયારે રૂપિયામાં થતા ઘટાડાને કારણે તેલ કંપનીઓને વિદેશથી તેલ મંગાવવા માટે ભારે કિંમત ચૂકવવી પડી રહી છે. તેને કારણે પેટ્રોલ અને ડીઝલની કિંમતોમાં વધારો થવાની આશંકા વ્યકત કરવામાં આવી રહી છે. બેન્કિંગ, ઓટો, એફએમસીજી, ઓઇલ એન્ડ ગેસ અને પાવર સેક્ટર શેરમાં ભારે ઘટાડો જોવા મળી રહ્યો છે.

English summary

Rupee gained 24 Paise to 74.15 against the Dollar